مکی آرتھر نے پاکستان کی کرکٹ کو تباہ رکرکے رکھ دیا ہے ، عبدالقادر

کرکٹ کے اپنے اصول اور قواعد ہوتے ہیں، کرکٹ کو کرکٹرز چلائیں تو اچھی بات ہے، جگہ نان کرکٹرز ہونگے تو کرکٹ کیسے صحیح ہوگی، سابق لیگ اسپنر

جمعرات 3 مئی 2018 22:25

مکی آرتھر نے پاکستان کی کرکٹ کو تباہ رکرکے رکھ دیا ہے ، عبدالقادر

کراچی (اُردو پوائنٹ اخبارتازہ ترین - آن لائن۔ 03 مئی2018ء) سابق چیف سلیکٹر اور لیگ بریک گگلی بائولنگ کے شہنشاہ عبدالقادر کا کہنا ہے کہ ہیڈ کوچ مکی آرتھر نے پاکستان کی کرکٹ کو تباہ کردیا ہے، مکی آرتھر کو جنوبی افریقا اور آسٹریلیا نے باہر نکالا، آرتھر نے ہر ٹیم کو تباہ وبرباد کیا ہے، کرکٹ کے اپنے اصول اور قواعد ہوتے ہیں، کرکٹ کو کرکٹرز چلائیں تو اچھی بات ہے، جگہ نان کرکٹرز ہونگے تو کرکٹ کیسے صحیح ہوگی۔

(جاری ہے)

ان کا مزید کہناتھا کہ یونس ، آفریدی اور مصباح کو ابھی بھی ٹیم کا حصہ ہوناچاہیے تھا ، قومی سلیکشن کمیٹی میں انضمام الحق کا ون مین شو نظر آتا ہے ، ٹیسٹ سکواڈ میں کوچ مکی آرتھر کی پسند نا پسند نظر آتی ہے،تین ٹیسٹ میچز کیلئے چار اوپنرز کی شمولیت کہاں کی عقلمندی ہے ، ماضی میں آرتھر نے پاکستان ٹیم پر فکسنگ کا الزام لگایا ، اگر پاکستان ٹیم جوا کھیلتی ہے تو مکی آرتھر کوچ کیوں بنے۔۔