لائ اینڈ جسٹس کمیشن کے زیراہتمام آٹھیوں جوڈیشل کانفرنس کل سے شروع ہوگی

جمعرات 3 مئی 2018 23:16

اسلام آباد(اُردو پوائنٹ اخبارتازہ ترین - آن لائن۔ 03 مئی2018ء) لائ اینڈ جسٹس کمیشن کے زیراہتمام آٹھیوں جوڈیشل کانفرنس کل سے شروع ہوگی، دو روزہ کانفرنس میں سی پیک اور نظام انصاف کے سیاسی و معاشی استحکام سے تعلق سمیت کئی موضوعات زیر بحث آئیں گے، کانفرنس میں دوبئی، انگلینڈ، سنگاپور اور چائنہ کے محقق اور اے ڈی آر سنٹرز کے ماہرین بھی شرکت کریں گے اور سی پیک کے حوالے سے متبادل نظام انصاف آلٹرنیٹ ڈسپیوٹ ریزولیشن پر ماہرانہ رائے دینگے۔

(جاری ہے)

کانفرنس سے چیف جسٹس آف پاکستان بھی خطاب کریں گے جبکہ سی پیک سے متعلقہ اور برادر اسلامی ممالک کے سفیر بھی خصوصی طور پر شرکت کریں گے۔ لائ اینڈ جسٹس کمیشن کے مطابق سی پیک کے حوالے سے سامنے آنے والے تنازعات کے حل اور اس سے نمٹنے کیلئے نظام انصاف میں مزید بہتری کے ساتھ ثالثی مراکز کے قیام کی بھی ضرورت ہے جہاں ملک بھر سے سامنے آنے والے تنازعات کا حل نکالا جا سکے گا۔ دو روزہ کانفرنس میں اسلام آباد سمیت چاروں صوبائی ہائی کورٹس، آزاد کشمیر اور گلگت بلتستان کے چیف جسٹس اور ملک بھر کی ضلعی عدالتوں کے ججز بھی شرکت کریں گے۔