پی ایس ایل فرنچائز مالکان کا نجم سیٹھی پر اعتماد کا اظہار،

پی ایس ایل کا سربراہ برقرار رکھنے پر اتفاق پی ایس ایل انتظامیہ اور فرنچائز مالکان کے درمیان اجلاس ، رائٹس اور اسپانسرشپ کے معاملات، پاکستان میں ہونے والی ٹی 10لیگ کیلئے کمیٹیا ں بنانے کا فیصلہ

جمعرات 3 مئی 2018 23:28

پی ایس ایل فرنچائز مالکان کا نجم سیٹھی پر اعتماد کا اظہار،

لاہور(اُردو پوائنٹ اخبارتازہ ترین - آئی این پی۔ 03 مئی2018ء) پاکستان سپر لیگ کے فرنچائز مالکان نے نجم سیٹھی کی قیادت پر اعتماد کا اظہار کرتے ہوئے اگلے سیزن میں بھی انہیں پی ایس ایل کا سربراہ برقرار رکھنے پر اتفاق کیا ہے۔پاکستان سپر لیگ کی انتظامیہ اور پی ایس ایل فرنچائز مالکان کے درمیان ہونیوالے اجلاس میں متفقہ طور پر نجم سیٹھی کی قیادت پر اعتماد کا اظہار کیا گیا۔

(جاری ہے)

اجلاس میں اس بات کا بھی فیصلہ ہوا کہ پی ایس ایل کی آمدنی کے حوالے سے ہونے والے فیصلوں میں فرنچائز کو بھی شامل کیا جائے جس کے بعد رائٹس اور اسپانسرشپ کے معاملات پر کمیٹی بنانے پر اتفاق کیا گیا۔اجلاس میں فیصلہ ہوا کہ پاکستان میں ہونے والی ٹی 10 لیگ کیلئے بھی کمیٹی بنے گی۔فرنچائز مالکان اور پی ایس ایل انتظامیہ گیم ڈوپلمنٹ پر بات چیت کیلئے ایک بار پھر ملاقات کریں گے۔ذرائع کے مطابق اجلاس میں پی ایس ایل 4 کے ڈرافٹ اور پلیئرز ریٹین کے طریقہ کار اور پلیئرز ڈیولپمنٹ پروگرام پر بھی بات ہوگی۔خیال رہے کہ نجم سیٹھی اس وقت پاکستان کرکٹ بورڈ اور پی ایل ایل کے چیئرمین کے عہدے پر فائز ہیں۔