گرمیوں میں تروتازہ رہنے کیلئے 3لیٹر پانی پیتی ہوں‘جیکولین فرنینڈس

میں تقریبا پورا سال سلاد کھاتی ہوں جس میں کھیرا، مولی، سیب اور انار شامل ہوتے ہیں

جمعہ 4 مئی 2018 12:25

نئی دہلی(اُردو پوائنٹ اخبارتازہ ترین - این این آئی۔ 04 مئی2018ء) بالی وڈ اداکارہ جیکولین فرنینڈس نے کہا ہے کہ میں گرمیوں میں تروتازہ رہنے کیلئے روزانہ تقریبا ساڑھے 3 لیٹر پانی پیتی ہوں جس سے میرے جسم میں نمی برقرار اور جلد تروتازہ رہتی ہے۔

(جاری ہے)

بھارتی میڈیا کے مطابق اداکارہ جیکولین فرنینڈس نے کہا ہے کہ گرمیوں میں تروتازہ رہنے کیلئے پانی کا زیادہ استعمال، لیمن ایڈ اور اچھی اور متوازن غذاکھانا ضروری ہے۔

گرمیوں کے دوران لیمن ایڈ کا استعمال میرا پسندیدہ مشروب ہے اور اب پودینہ اور ایلوویرا کے ساتھ لیمن ایڈ ان کی نئی دریافت ہے۔انھوں نے کہا کہ میں تقریبا پورا سال سلاد کھاتی ہوں جس میں کھیرا، مولی، سیب اور انار شامل ہوتے ہیں جبکہ گرمیوں میں ہری پتے والی سبزیاں اور تربوزکا استعمال بے حد مفید ہے۔