ترکی کی حکمراں جماعت نے طیب ایردوآن کو پھر صدارتی امیدوارنامزد کردیا

ہمارا امیدوار وہ ہے، جسے عوام پہلے ہی چن چکے ہیں۔ ہمارا امیدوار عوام کا امیدوار ہے،وزیراعظم یلدرم کا اعلان

جمعہ 4 مئی 2018 12:58

انقرہ(اُردو پوائنٹ اخبارتازہ ترین - این این آئی۔ 04 مئی2018ء) ترکی میں حکمران جماعت فریڈم اینڈ ڈویلوپمنٹ پارٹی نے رجب طیب ایردوآن ہی کو ایک بار پھر بطور صدارتی امیداور نامزد کر دیا ہے۔ ترکی میں رواں برس جون میں صدارتی انتخابات کا انعقاد ہو رہا ہے۔

(جاری ہے)

میڈیارپورٹس کے مطابق ترکی کی حکمران جماعت کی جانب سے صدر رجب طیب ایردوآن کو ایک مرتبہ پھر منصب صدارت کے لیے نامزد کر دیا گیا ہے، جب کہ ابھی تک مرکزی اپوزیشن جماعت نے اپنے امیدوار کے نام کا اعلان نہیں کیا ہے۔

وزیراعظم بن علی یلدرم نے اپنے ایک بیان میں کہا کہ صدارتی انتخابات کے لیے متعدد دیگر اتحادی جماعتوں، جن میں دائیں بازو کی قوم پرست جماعت نیشنلسٹ موومنٹ پارٹی بھی شامل ہے، کے متفقہ امیدوار رجب طیب ایردوآن ہوں گے۔ ایردوآن حکمران جماعت کے سربراہ بھی ہیں۔ ایردوآن کے نام کا اعلان کرتے ہوئے یلدرم نے کہاکہ ہمارا امیدوار وہ ہے، جسے عوام پہلے ہی چن چکے ہیں۔ ہمارا امیدوار عوام کا امیدوار ہے۔ ہمارا امیدوار عوام کا نمائندہ ہے۔