کرینہ کپوربھی عامر خان بن گئیں

نقش قدم پر چلتے ہوئے سال میں ایک فلم کرنے کا فیصلہ کرلیا

جمعہ 4 مئی 2018 21:14

ممبئی (اُردو پوائنٹ اخبارتازہ ترین - آن لائن۔ 04 مئی2018ء) مشہور بولی وڈ اداکارہ کرینہ کپور بھارتی فلم انڈسٹری کی نئی عامر خان بننے لگیں ہیں۔ اس کا مطلب یہ ہے کہ اب کرینہ کپور بھی عامر خان کے نقش قدم پر چلتے ہوئے سال میں صرف ایک ہی فلم کریں گی۔کرینہ کپور اپنے کام کے معاملے میں خاصی محتاط ہوگئی ہیں۔ اس کی بڑی وجہ یہ ہے کہ وہ کام سے ذیدہ اپنے بیٹے پر توجہ دینے کو اہم سمجھتی ہیں۔

(جاری ہے)

اس لئے آئندہ آنے والی فلموں کی پیشکش قبول کرنے سے پہلے وہ اس بات کی تسلی ضرور کریں گی کہ کہانی اور فلم اتنی خاص ہے کہ وہ اپنا وقت اسے دے سکیں۔ کم فلمیں کر کے وہ ذیادہ سے ذیادہ وقت اپنے بیٹے تیمور کو دینا چاہتی ہیں۔فی الحال کرینہ اپنی نئی آنے والی فلم ‘ویرے دی ویڈنگ’ کی پروموشن میں مصروف ہیں۔ اس فلم میں کرینہ کپور اور سونم کپور مرکزی کرداروں میں جلوہ گر ہوںگی۔۔