مسلم لیگ (ق) کے ایک اور رکن صوبائی اسمبلی نے پارٹی کو خیرباد کہہ پی ٹی آئی میں شمولیت اختیار کرلی

جمعہ 4 مئی 2018 23:32

اسلام آباد (اُردو پوائنٹ اخبارتازہ ترین - این این آئی۔ 04 مئی2018ء) پنجاب سے مسلم لیگ (ق) کے ایک اور رکن صوبائی اسمبلی نے پارٹی کو خیرباد کہہ پی ٹی آئی میں شمولیت اختیار کرلی ۔ جمعہ کو قصور سے رکن صوبائی اسمبلی سردار وقاص حسن موکل نے عمران خان سے ملاقات میں تحریکِ انصاف میں شمولیت کا اعلان کر دیا ہے۔

(جاری ہے)

پاکستان تحریکِ انصاف کے چیئرمین عمران خان نے سردار وقاص حسن موکل کی پارٹی میں شمولیت کا خیر مقدم کیا ہے۔واضح رہے کہ وقاص حسن موکل 2013ء کے الیکشن میں پی پی 180 قصور سے ایم پی اے منتخب ہوئے تھے۔سردار وقاص موکل 23 جون 1976ء کو فیصل آباد میں پیدا ہوئے۔ انہوں نے 1994ء میں گورنمنٹ کالج سے گریجویشن اور بعد ازاں 1997ء میں لاہور سکول آف اکنامکس سے ایم ایس سی تک تعلیم حاصل کی۔