اسلام آباد پولیس اور پاکستان رینجر کا تھانہ ترنول کے علاقہ میں سرچ آپریشن، چار افغانیوں سمیت 19 مشکوک افراد گرفتار

جمعہ 4 مئی 2018 23:33

اسلام آباد۔4 مئی(اُردو پوائنٹ اخبارتازہ ترین - اے پی پی۔ 04 مئی2018ء) اسلام آباد پولیس اور پاکستان رینجر نے تھانہ ترنول کے علاقہ میں سرچ آپریشن کے دوران چار افغانیوں سمیت 19 مشکوک افراد کو گرفتار کرلیا۔۔تفصیلات کے مطابق جمعہ کے روز تھانہ ترنول کے علاقے میں اسلام آباد پولیس، پاکستان ر ینجرز اور سیکورٹی اداروں نے سرچ آپریشن ۔کیا ہے جس میں ڈی ایس پی غلام محمد باقر ، ایس ایچ او تھانہ ترنول اور اسلام آباد پولیس سی ٹی ایف پولیس صدر زون کی تھانوں کی پولیس اور پولیس کمانڈوز نے حصہ لیا ۔

(جاری ہے)

یہ سرچ آپریشن اتفاق کالونی ،ڈہوک کوکا، جی ٹی روڈ کی دونوں اطراف اور اتحاد پلازہ و گردونواح میں کیا گیا ۔ سرچ آپریشن کے دوران چار اففانیوں سمیت انیس مشکوک افراد کو حراست میں لے کر تحقیقات شروع کر دی گئی جبکہ ایک پسٹل بھی برآمد کر لیا گیا، ایس ایس پی اسلام آباد نجیب الرحمان بگوی نے کہا کہ ایس سرچ آپریشن کا مقصد سیکورٹی کو موٖٖثر بنانا ہے ۔ انہوں نے تما م ایس ایچ اوزکو ہدایت کی ہے کہ وہ اپنے اپنے علاقوں میں سخت چیکنک کے عمل کو یقینی بنائیں، اور سرچ آپریشن کو جاری رکھیںتاکہ کسی بھی نا خوشگوار واقع سے بچا جا سکے۔