طلال چودھری کے خلاف توہین عدالت کیس کی سماعت پر پیر تک ملتوی

جمعہ مئی 23:50

اسلام آباد۔4 مئی(اُردو پوائنٹ اخبارتازہ ترین۔ 04 مئی2018ء) سپریم کورٹ نے طلال چودھری کے خلاف توہین عدالت کیس کی سماعت وکیل صفائی کامران مرتضیٰ کی استدعا پر پیر تک ملتوی کر دی۔

(جاری ہے)

جسٹس اعجاز افضل خان کی سربراہی میں 3 رکنی بینچ نے مسلم لیگ (ن) کے رہنما طلال چودھری کے خلاف توہین عدالت کیس کی سماعت کی، ملزم کے وکیل کامران مرتضیٰ نے موقف اپنایا کہ انہوں نے اس نقطے کا فیصلہ کرنا ہے کہ ملزم کا بیان حلف پر کروانا ہے یا نہیں، اس لیے عدالت سے استدعا ہے کہ سماعت پیر تک ملتوی کی جائے۔جسٹس اعجاز افضل نے ریمارکس دیئے کہ حلف پر بیان نہ دینے سے بھی کوئی فرق نہیں پڑتا۔ تاہم عدالت نے طلال چودھری کے وکیل کی سماعت ملتوی کرنے کی استدعا منظور کرتے ہوئے توہین عدالت کیس پیر تک ملتوی کردیا۔