پہلی ٹور دی خنجراب سائیکل ریس 11 سے 14 مئی تک گلگت بلتستان میں ہوگی

ہفتہ 5 مئی 2018 13:12

گلگت (اُردو پوائنٹ اخبارتازہ ترین - این این آئی۔ 05 مئی2018ء) پہلی ٹور دی خنجراب سائیکل ریس 11 سے 14 مئی تک گلگت بلتستان میں ہوگی۔ کمشنر گلگت ڈویژن اور چیف آرگنائزر ٹور دی خنجراب عثمان احمد کے مطابق حکومت گلگت بلتستان پاکستان سائیکلنگ فیڈریشن کے اشتراک سے ٹور دی خنجراب سائیکل ریس کا انعقاد آئندہ ماہ کرے گی۔

(جاری ہے)

اس ایونٹ میں قومی سطح کے کھلاڑی اور بین الاقوامی کھلاڑی بھی شرکت کریں گے جن میں تین مختلف ممالک افغانستان، برطانیہ اور آسٹریلیا کی ٹیموں نے ایونٹ میں شرکت کی خواہش ظاہر کی ،ْ قومی سطح کی 9 ٹیموں نے شرکت کی تصدیق کی تاہم رجسٹریشن کا عمل جاری ہے۔

ایونٹ 11 مئی کو گلگت سے شروع ہوگا اور پہلے مرحلہ ضلع نگر کے تفریحی مقام راکاپوشی پر مکمل ہوگا۔ دوسرا مرحلہ پاسو ہنزہ میں مکمل ہوگا جبکہ تیسرا اور آخری مرحلہ سوست ہنزہ سے شروع ہوگا اور خنجراب کی پہاڑیوں پر مکمل ہوگا۔