مظفرآباد،دفعہ 144کی خلاف ورزی کرنے پر سٹی تھانہ کی بھکاریوں کیخلاف کارروائی، متعدد بھکاریوں کو ضلع بدر کرنے کا فیصلہ

ہفتہ 5 مئی 2018 14:40

مظفرآباد(اُردو پوائنٹ اخبارتازہ ترین - این این آئی۔ 05 مئی2018ء) دفعہ 144کی خلاف ورزی کرنے پر سٹی تھانہ کی بھکاریوں کے خلاف کارروائی، متعدد بھکاریوں کو ضلع بدر کرنے کا فیصلہ کیا گیا۔تفصیلات کے مطابق ڈپٹی کمشنر اور ایس ایس پی مظفرآباد کی ہدایت پر ایس ایچ او تھانہ سٹی شجاع الحسن گیلانی نے بھکاریوں کے خلاف کارروائی کرتے ہوئے متعدد بھکاریوں کو دفعہ 144کے تحت گرفتار کر کے ضلع بدر کرنے کا فیصلہ کیا ہے۔

(جاری ہے)

جس پر شہریوں نے سٹی تھانہ کی کارروائی پر اعتماد کا اظہار کیا ہے۔شہر کے اندر دفعہ 144کے نفاذ کے بعد سٹی تھانہ نے ہمراہ نفری کارروائی کرتے ہوئے شہریوں کو تنگ کرنے اور مختلف مقامات پر ڈھیرے لگا کر آنے جانے والے شہریوں سے زبردستی پیسے مانگنے پر بھکاریوں کے خلاف کارروائی کرتے ہوئے ضلع بدر کر دیا ہے۔جس پر شہریوں نے کارروائیاں جاری رکھنے اور پولیس کے ساتھ تعاون کا یقین دلایا ہے۔