مانسہرہ میں شادی کی تقریب میں فائرنگ سے خواجہ سراء قتل

خواجہ سرائوں کا ساتھی کے قتل کیخلاف احتجاج ‘ملزم کو فوری گرفتار کر کے کارروائی کا مطالبہ

ہفتہ 5 مئی 2018 15:00

مانسہرہ (اُردو پوائنٹ اخبارتازہ ترین - آئی این پی۔ 05 مئی2018ء) مانسہرہ کے علاقے دھمن شریف میں شادی کی تقریب میں فائرنگ سے خواجہ سرا جاں بحق ہو گیا۔پولیس کے مطابق ملزم خواجہ سرا کو قتل کرنے کے بعد فرار ہو گیا جس کی گرفتاری کے لیے کارروائی کا آغاز کر دیا گیا ہے۔

(جاری ہے)

دوسری جانب دھمن شریف میں خواجہ سرائوں نے اپنے ساتھی کے قتل کے خلاف احتجاج کیا اور مظاہرین کا کہنا تھا کہ رقم کے لین دین کے تنازع پر ریاض نامی شخص نے خواجہ سرا کو قتل کیا۔

مظاہرین کا کہنا تھا کہ ملزم کو فوری طور پر گرفتار کر کے اس کے خلاف کارروائی کی جائے۔یاد رہے کہ چند روز قبل مظفر گڑھ میں بھی رقم نہ دینے پر بھائی نے دوستوں کے ساتھ مل کر تشدد اور فائرنگ کر کے اپنے خواجہ سرا بھائی کو زخمی کر دیا تھا۔رواں برس فروری میں بھی راولپنڈی میں نشے میں دھت شخص نے دوستی نہ کرنے پر ایک خواجہ سرا کو قتل کر دیا تھا۔