معاشی اہداف حاصل کرنے کے لیے تجارتی و معاشی معاملات پر تاجر برادری کے تحفظات دور کرنا ہونگے، لاہور چیمبر آف کامرس اینڈ انڈسٹری

ہفتہ مئی 19:19

معاشی اہداف حاصل کرنے کے لیے تجارتی و معاشی معاملات پر تاجر برادری ..
لاہور (اُردو پوائنٹ اخبارتازہ ترین۔ 05 مئی2018ء) لاہور چیمبر آف کامرس اینڈ انڈسٹری کے صدر ملک طاہر جاوید ،سینئر نائب صدر خواجہ خاور رشید اور نائب صدر ذیشان خلیل نے کہا ہے کہ معاشی اہداف حاصل کرنے کے لیے تجارتی و معاشی معاملات پر تاجر برادری کے تحفظات دور کرنا ہونگے۔انہوں نے مزید کہا کہ پاکستان کے پاس وسائل کی کوئی کمی نہیں ہے ،اگر حکومت اور نجی شعبے کے درمیان بہترین بااعتماد شراکت داری ہو تو ان وسائل سے استفادہ بہت بہتر انداز میں کیا جاسکتا ہے ان خیالات کااظہار انہوں نے گزشتہ روز لاہور چیمبر آف کامرس میں منعقدہ ایگزیکٹو باڈی کے اجلاس سے خطاب کرتے ہوئے کیا لاہور چیمبر کے صدر نے اپنے خطاب میں پالیسی سازی میں نجی شعبے کا کردار بڑھانے کی ضرورت پر زور دیتے ہوئے کہا ہے کہ اس سے صنعت و تجارت دوست پالیسیوں کی تشکیل ممکن بنائی اور معاشی استحکام کا خواب پورا کیا جاسکے گاانہوں نے کہا کہ مینوفیکچرنگ سیکٹر کیلئے سستی توانائی بہت ضروری ہے اور اس کا سب سے بہترین ذریعہ ہائیڈل ذرائع سے بجلی کی پیداوار ہے، حکومت جتنی جلد ممکن ہو چھوٹے و بڑے آبی ذخائر کی تعمیر یقینی بنائے جس سے نہ صرف وافر سستی بجلی پیدا کی جاسکے گیان شعبوں میں ویلیوایڈیشن کا فروغ ملک کو بھاری معاشی فائدہ دے سکتی ہے۔

(جاری ہے)

انہوں نے کہا کہ ان تمام معاملات کے لیے پالیسی سازی میں نجی شعبے کا کردار بہت اہم ہے لہذا حکومت ہر صورت پالیسی سازی میں نجی شعبے کو شامل مشاورت کرے انہوں نے کہا کہ پانی کی قلت کا مسئلہ بھی حل ہوگا۔انہوں نے کہا کہ حکومت ویلیوایڈیشن کو فروغ دینے کے لیے وسیع پیمانے پر منصوبہ بندی کرے، پاکستان میں قیمتی پتھروں، نمک، جپسم اور ماربل وغیرہ سمیت دیگر معدنیات کے وسیع ذخائر ہیں۔