قومی نیٹ با ل چیمپئن شپ مردوں اور خواتین کے فائنل مقابلے (آج )کھیلا جائے گا

مردوں کے ایونٹ میں گیارہ ٹیمیں حصہ لے رہی ہیں جن کو چار گروپوں میں تقسیم کیا گیا‘مدثر آرائیں

اتوار 6 مئی 2018 13:00

اسلام آباد(اُردو پوائنٹ اخبارتازہ ترین - این این آئی۔ 06 مئی2018ء) پاکستان نیٹ بال فیڈریشن کے زیر اہتمام جاری قومی نیٹ با ل چیمپئن شپ کے مردوں اور خواتین کے فائنل مقابلے آج پیر کو پاکستان سپورٹس کمپلیکس، اسلام آباد کے حمیدی ہال میں کھیلے جائیں گے چیمپئن شپ کی اختتامی تقریب کے مہمان خصوصی وفاقی سیکرٹری منصوبہ بندی وترقیاتی شعیب احمد صدیقی ہونگے، پاکستان نیٹ بال فیڈریشن کے صدر مدثر آرائیں نے بتایاکہ فائنل میچوں کے تمام انتظامات مکمل کر لئے گئے، مردوں کے ایونٹ میں گیارہ ٹیمیں حصہ لے رہی ہیں جن کو چار گروپوں میں تقسیم کیا گیا گروپ اے میں پاکستان واپڈا، اسلام آباد اور گلگت بلتستان، گروپ بی میں پاکستان ائیرفورس، بلوچستان اور ہائر ایجوکیشن کمیشن، گروپ سی میں سندھ اور فاٹا جبکہ گروپ ڈی میں پنجاب، خیبرپخونخوا اور پاکستان پولیس شامل ہیں، خواتین کے ایونٹ میں دس ٹیمیں حصہ لیں گیں جن کو چار گروپوں میں تقسیم کیا گیا، گروپ اے میں سندھ، ایلیٹ پی این ایف، آزاد جموں و کشمیر، گروپ بی میں پاکستان واپڈا اور خیبر پختونخوا، گروپ سی میں پنجاب اور اسلام آباد، گروپ ڈی میں بلوچستان، گلگت بلتستان اور ہائر ایجوکیشن کمیشن شامل ہیں، فائنل مقابلوں کے بعد کامیابی حاصل کرنے والے ٹیموں کے کھلاڑیوں میں ٹرافیاں، میڈلز اور اسناد تقسیم کی جائیں گی۔