نجی ٹی وی کا زینب زیادتی و قتل واقعہ پر فلم بنانے کا اعلان

اتوار مئی 18:20

کراچی(اُردو پوائنٹ اخبارتازہ ترین۔ 06 مئی2018ء) قصور کی ننھی زینب کے ساتھ پیش آنے والے زیادتی وقتل کے دلسوز واقعے پر نجی ٹی وی نے ٹیلی فلم بنانے کا اعلان کیا ہے۔

(جاری ہے)

رواں سال کے ابتدا میں ضلع قصور سے تعلق رکھنے والی 7 سالہ ننھی زینب کے ساتھ زیادتی کے بعد بہیمانہ قتل نے پاکستان سمیت پوری دنیا کو ہلاکر رکھ دیا تھا ،ْواقعہ کے بعد پورے ملک میں احتجاجی مظاہرے کیے گئے اور زینب کے قاتل عمران کو سخت سے سخت سزا دینے کا مطالبہ بھی کیا گیا تاہم اب ننھی زینب کے ساتھ زیادتی وقتل کے واقعے پر نجی ٹی وی کی جانب سے فلم بنانے کا اعلان کیا گیا ہے۔

رپورٹ کے مطابق زینب قتل کیس پر حال ہی میں مقامی چینل نے ٹیلی فلم بنانے کااعلان کیا ہے جس کانام ’’زینب کے قاتل‘‘ رکھا گیا ہے۔ ذرائع کے مطابق فلم میں زینب قتل کیس کے تمام واقعات کی نشاندہی کی جائیگی جبکہ فلم کے ذریعے والدین کو اپنے بچوں کی حفاظت کے حوالے سے آگاہی بھی فراہم کی جائے گی۔

متعلقہ عنوان :