سو نا زیورات کی حد پار کرتے ہوئے پکوان تک پہنچ گیا،نیویارک میں سونے سے بنے چکن ونگز مقبول

نیو یارک (اُردو پوائنٹ اخبارتازہ ترین - آئی این پی۔ 06 مئی2018ء) سو نا زیورات کی حد پار کرتے ہوئے پکوان تک پہنچ گیا جس نے سب کی توجہ حاصل کرلی ہے۔امریکی میڈیا کے مطابق نیویارک میں اینسورتھ اور جوناتھن چیبھن نامی دو افراد نے مل کر ایسا ریسٹورینٹ کھولا ہے جہاں سونے کے چھڑکا والے چکن ونگز دستیاب ہیں۔دونوں افراد نے گزشتہ ہفتے چکن ونگز میں نت نیا تجربہ کیا اور کھانے کے شوقین افراد کے سامنے پیش کیا۔

(جاری ہے)

انہوں نے چکن ونگز کو گولڈ مکھن، شہد، کوکونٹ بٹر سے تیار کیا لیکن انوکھی بات یہ ہے کہ اس میں 24 قیراط سونے کا پاڈر چھڑک کر اسے نایاب ڈش کے طور پر پیش کیا گیا۔ان انوکھے چکن ونگز کی قیمت بھی انوکھی رکھی گئی یعنی 10 چکن ونگز کی قیمت 30 ڈالر ہے جو پاکستانی روپوں میں تقریبا ساڑھے 3 ہزار روپے بنتی ہے۔سونے کے چھڑکا ئو والے چکن ونگز کو کھانے پینے کے شوقین افراد کی جانب سے بے حد پسند کیا جارہا ہے۔