ْآئی ٹی ایف ڈویژن ٹو اور آئی ٹی ایف ایشین انڈر 14چیمپئن شپ(آج)سے بنکاک میں کھیلی جائیگی

ایونٹس میں پاکستان،ویتنام، بنگلہ دیش، لبنان، ایران، قازخستان اور منگولیا کے 2، 2 کھلاڑی شرکت کریں گے

اتوار 6 مئی 2018 20:30

اسلام آباد(اُردو پوائنٹ اخبارتازہ ترین - آئی این پی۔ 06 مئی2018ء) آئی ٹی ایف ڈویژن ٹو اور آئی ٹی ایف ایشین انڈر 14 چیمپئن شپ (آج)پیر سے تھائی لینڈ کے شہر بنکاک میں کھیلی جائے گی جو 19 مئی تک جاری رہے گی ۔ایشین ٹینس فیڈریشن کی جانب سے جاری تفصیلا ت کے مطابق پہلا ایونٹ 7 سے 12 مئی تک جبکہ دوسرا ایونٹ 14 سے 19 مئی تک کھیلا جائے گا۔

(جاری ہے)

دونوں ایونٹس میں پاکستان،، ویتنام، بنگلہ دیش،، لبنان، ایران،، قازخستان اور منگولیا کے 2، 2 کھلاڑی شرکت کریں گے۔

ایونٹس میں شرکت کیلئے تمام ممالک کے کھلاڑی تھائی لینڈ پہنچ چکے ہیں اور ٹورنامنٹس کے اختتام پر تمام ممالک کے کھلاڑی 20 مئی کو اپنے اپنے ملک واپس آئیں گے۔ ایشین ٹینس فیڈریشن نے دونوں ایونٹس کیلئے پاکستان کے کامران خلیل کو کوچ نامزد کیا ہے اور وہ آئی ٹی ایف ڈویژن ٹو اور آئی ٹی ایف ایشین انڈر 14 چیمپئن شپ میں بطور کوچ فرائض سرانجام دیں گے جس کیلئے کامران خلیل بنکاک پہنچ چکے ہیں۔