ْ عوامی خدمت ہی زندگی کامشن ، جب تک سیاست میں ہوں یہ سلسلہ جاری رکھونگا،سکندرحیات بوسن

اتوار 6 مئی 2018 21:40

ملتان(اُردو پوائنٹ اخبارتازہ ترین - آن لائن۔ 06 مئی2018ء) وفاقی وزیرزراعت حاجی سکندرحیات خان بوسن نے کہاہے کہ عوامی خدمت ہی زندگی کامشن ہے جب تک سیاست میں ہوں یہ سلسلہ جاری رکھونگاان خیالات کااظہارانہوں نے گزشتہ روز جھوک لشاری موضع لطف آباد یوسی 93میں بجلی کی فراہمی کی افتتاحی تقریب سے خطاب کرتے ہوئے کیاانہوں نے مزیدکہاکہ احسن اقبال پر قاتلانہ حملہ کی پرزورمزمت کرتاہوں حملہ کرنے والے وہی لوگ ہیں جو پاکستان کو ترقی کرتے نہیں دیکھ سکتے اس موقع پر اقبال عاربی ،سرورخان ،عمرہانس اورشاہین خان سمیت دیگرشریک تھے۔