اٹک،تیز رفتار وین پل سے نیچے جا گری، 3 افراد جاں بحق، 12 زخمی

پیر 7 مئی 2018 14:33

اٹک(اُردو پوائنٹ اخبارتازہ ترین - آئی این پی۔ 07 مئی2018ء) مسافروں سے بھری تیز رفتار وین اٹک کے قریب پل سے نیچے جا گری، 3 افراد جاں بحق جبکہ 12 زخمی ہو گئے، زخمیوں کو ہسپتال منتقل کر دیا گیا۔

(جاری ہے)

حادثہ پنڈ سلطانی کے علاقے میں قومی شاہراہ پر پیش آیا جہاں وین پل سے نیچے جا گری، ڈرائیور تیز رفتاری کے باعث مسافروں سے بھری وین پر قابو نہ پا سکا، حادثے کے نتیجے میں 3 افراد موقع پر جاں بحق ہو گئے جبکہ 12 افراد شدید زخمی ہوئے جنہیں مقامی لوگوں نے وین سے نکالا اور ایمبولینسوں کے ذریعے ہسپتال منتقل کر دیا گیا۔