نواز شریف محاذ آرائی کی سیاست کر رہے ہیں، وہ پروپیگنڈہ کے ماہر ہیں، احسن اقبال پر حملے کی شدید مذمت کرتے ہیں،

ہمیں نوجوانوں کو نفرت نہیں ترقی پسند سیاست سے جوڑنا ہو گا چیئرمین پیپلز پارٹی بلاول بھٹو زرداری کی میڈیا سے گفتگو

پیر 7 مئی 2018 19:11

منڈی بہائو الدین (اُردو پوائنٹ اخبارتازہ ترین - آئی این پی۔ 07 مئی2018ء) پاکستان پیپلز پارٹی کے چیئرمین بلاول بھٹو زرداری نے کہا ہے کہ نواز شریف محاذ آرائی کی سیاست کر رہے ہیں، نواز شریف پروپیگنڈہ کے ماہر ہیں، احسن اقبال پر حملے کی شدید مذمت کرتے ہیں، ہمیں نوجوانوں کو نفرت نہیں ترقی پسند سیاست سے جوڑنا ہو گا۔

(جاری ہے)

پیر کو میڈیا سے گفتگو کرتے ہوئے بلاول بھٹو نے کہا کہ احسن اقبال پر حملہ کی شدید مذمت کرتے ہیں، نواز شریف عجیب و غریب بیانات دے رہے ہیں، احسن اقبال پر حملے کی مکمل تحقیقات ہونے چاہئیں، پنجاب میں نفرت پھیلانے کی سیاست کی گئی ہے، الیکشن میں ہم چاہتے ہیں بھرپور سیکیورٹی ہونی چاہیے، ہمیں نوجوانوں کو نفرت نہیں، ترقی پسند سیاست سے جوڑنا ہو گا، ہمیں نفرت کی سیاست ختم کرنی ہے، نواز شریف جو موقف اپنا رہے ہیں، وہ جمہوریت کے مفاد میں نہیں، ہر نیب کیس میں نواز شریف کو ضمانت ملتی رہی، نواز شریف پروپیگنڈہ کے ماہر ہیں، نواز شریف محاذ آرائی کی سیاست کر رہے ہیں، آزاد عدلیہ کی جدوجہد میں پیپلز پارٹی کے کارکن شہید ہوئے۔