وفاقی وزیر داخلہ احسن اقبال کی کامیاب سرجری ، دو جگہ ہونے والے فریکچر کو جوڑ دیا گیا

پیر 7 مئی 2018 19:45

لاہور۔7 مئی(اُردو پوائنٹ اخبارتازہ ترین - اے پی پی۔ 07 مئی2018ء) وفاقی وزیر داخلہ احسن اقبال کی کامیاب سرجری کے بعد دو جگہ ہونے والے فریکچر کو جوڑ دیا گیا۔

(جاری ہے)

گزشتہ روز وفاقی وزیر داخلہ کو قاتلانہ حملے کے بعد سروسز ہسپتال لاہور سرجیکل یونٹ میں منتقل کیا گیا تھا جہاں ڈاکٹروں کی سپیشل ٹیم نے ان کے فریکچر کو کامیاب سرجری کے بعد جوڑ دیا۔ایم ایس سروسز ہسپتال ڈاکٹر امیر نے میڈیا کو بتایا کہ وفاقی وزیر داخلہ کی حالت خطرے سے باہر ہے اور سروسز ہسپتال کی سرجیکل ٹیم نے کامیاب آپریشن کرتے ہوئے ان کے فریکچر کو جوڑ دیا ہے اور اب مزید ان کو علاج معالجہ کی سہولیات فراہم کی جارہی ہیں۔