الیکشن کمیشن نے اہم اجلاس (کل) طلب کرلیا

پیر مئی 20:32

الیکشن کمیشن نے اہم اجلاس (کل) طلب کرلیا
اسلام آباد۔ 07 مئی(اُردو پوائنٹ اخبارتازہ ترین۔ 07 مئی2018ء) الیکشن کمیشن نے انتخابی عمل کے دوران ملک میں امن و امان کی صورتحال‘ ضلعی سطح پر ناکافی سہولیات کے حوالے سے پیشرفت کی رپورٹ ‘ پولنگ سٹیشنوں پر سی سی ٹی وی کیمروں کی تنصیب اور خریداری کے جائزے کے لئے الیکشن کمیشن نے اہم اجلاس (آج) منگل کو طلب کرلیا ہے۔

(جاری ہے)

اجلاس چیف الیکشن کمشنر جسٹس (ر) سردار محمد رضا کی سربراہی میں دس بجے الیکشن کمیشن سیکرٹریٹ میں ہوگا۔ اجلاس میں پولنگ عملے کے طور پر تعینات ہونے والے حکام اور افسران کی مکمل فہرست کی دستیابی کا بھی جائزہ لیا جائے گا جبکہ وزیر داخلہ احسن اقبال پر حملے کے خصوصی تناظر میں انتخابی مہم سے قبل اور انتخابی عمل کے دوران امن و امان کی صورتحال پر بھی غور کیا جائے گا۔