بھارت، نقدی بحران،500 کے نوٹوں کی یومیہ 3ہزار کروڑ تک چھپائی، سیکرٹری مالیات

ملک میں 85فیصد اے ٹی ایم کام کررہے ہیں، نقدی کا کسی قسم کابحران نہیں، سبھاش چندر گرگ

پیر مئی 21:46

ْنئی دہلی(اُردو پوائنٹ اخبارتازہ ترین۔ 07 مئی2018ء) بھارت کے سیکرٹری مالیات سبھاش چندر گرگنے کہا ہے کہ نقدی بحران کے خاتمے کے لئے 500کے نوٹوں کی یومیہ 3ہزار کروڑ تک چھپائی کی جا رہی ہے، ملک میں 85فیصد اے ٹی ایم کام کررہے ہیں، نقدی کا کسی قسم کابحران نہیں۔۔بھارتی میڈیا کے مطابق ملک کے مختلف شعبوں میں نقدی کی قلت دور کرنے کیلئے سیکریٹری مالیات سبھاش چندر گرگ نے کہاہے کہ 500،200اور 100روپے کے نوٹ کا لین دین جاری ہے۔

نقدی کی طلب پوری کرنے کیلئے 500روپے کے نوٹوں کی چھپائی یومیہ 3ہزار کروڑ روپے تک بڑھا دی گئی۔

(جاری ہے)

انہوں نے کہا کہ ملک میں نقدی کے بحران پر قابو پالیا گیا ہے اور زائد طلب پوری کرنے کیلئے 2ہزار روپے کے نوٹوں کی چھپائی روک دی گئی ہے۔گرگ نے کہا کہ اقتصادی حالات کو دیکھتے ہوئے ملک میں شرح سود میں اضافے کا امکان نہیں۔۔زرمبادلہ کے ذخائر متوازی شکل میں موجود ہیں۔انہوں نے کہا کہ گزشتہ ہفتے ملک میں نقدی کی صورتحال کے جائزے سے معلوم ہوا کہ 85فیصد اے ٹی ایم کام کررہے ہیں۔ اس سے ظاہر ہوتاہے کہ نقدی کا کسی قسم کابحران نہیں۔انہوں نے واضح کیا کہ اس وقت 2ہزار روپے کے تقریباً7لاکھ کروڑ نوٹ مارکیٹ میں گردش کررہے ہیں جو کافی ہیں۔

متعلقہ عنوان :