رواں مالی سال کی پہلی سہ ماہی کے دوران آمدنی میں 15 فیصد اضافہ ہوا، سعودی وزیر خزانہ

منگل 8 مئی 2018 11:50

ریاض ۔ (اُردو پوائنٹ اخبارتازہ ترین - اے پی پی۔ 08 مئی2018ء) سعودی وزیر خزانہ محمد الجدعان نے کہا ہے کہ 2018ء کی پہلی سہ ماہی کے دوران قومی آمدنی میں 15 فیصد اضافہ ریکارڈ کیا گیا ہے۔

(جاری ہے)

منگل کو سعودی ذرائع ابلاغ کے مطابق انہوں نے اعدادوشمار پیش کرتے ہوئے بتایا کہ 2018ء کی پہلی سہ ماہی کے دوران مجموعی آمدنی 2017ء کی پہلی سہ ماہی کے مقابلے میں 15 فیصد زیادہ ہوئی، تیل کے سوا دیگر ذرائع سے 52 ملین اور 3 لاکھ 16 ہزار ریال آمدنی ہوئی، 2017ء کے مقابلے میں 63 فیصد زیادہ رہی۔ تیل آمدنی 113 ملین 9 لاکھ 47 ہزار ریال ہوئی۔ یہ2017ء کے مقابلے میں 2 فیصد زیادہ ہے۔ الجدعان نے بتایا کہ مجموعی اخراجات 2017ء کے مقابلے میں 18 فیصد زیادہ ہوئے۔