مظاہروں کے دوران گرفتارروسی اپوزیشن رہنما الیکسی ناوالنی کو رہا کر دیا گیا

منگل 8 مئی 2018 12:18

ماسکو(اُردو پوائنٹ اخبارتازہ ترین - این این آئی۔ 08 مئی2018ء) روس کے اپوزیشن رہنما الیکسی ناوالنی کو رہا کر دیا گیا ہے۔جرمن ریڈیوکے مطابق انہیں اور دیگر تقریبا سولہ سو افراد کو گزشتہ روز پوٹن مخالف ہونے والے ملک گیر احتجاجی مظاہروں کے دوران گرفتار کیا گیا تھا۔

(جاری ہے)

گزشتہ روز روسی پولیس کی جانب سے مظاہرین کے خلاف طاقت کے استعمال کو یورپی یونین نے بھی شدید تنقید کا نشانہ بنایا ۔ یورپی یونین کے برسلز سے جاری کردہ بیان کے مطابق ہزاروں مظاہرین کی گرفتاری اور تشدد سے روس میں آزادی اظہار کے بنیادی حق کو خطرات لاحق ہیں۔