بھارتی کرکٹ بورڈ کی سلیکشن کمیٹی کا ویمنز ٹی ٹونٹی ایشیا کپ کرکٹ ٹورنامنٹ کیلئے وومن سکواڈ کا اعلان

لیفٹ آرم سپنرز اکتا بشت اور راجیشوری کی دوبارہ ٹیم میں واپسی ہوئی ہے ،ْمیڈیا رپورٹ

منگل 8 مئی 2018 13:33

ممبئی (اُردو پوائنٹ اخبارتازہ ترین - این این آئی۔ 08 مئی2018ء) بھارتی کرکٹ بورڈ کی سلیکشن کمیٹی نے ویمنز ٹی ٹونٹی ایشیا کپ کرکٹ ٹورنامنٹ کیلئے وومن سکواڈ کا اعلان کر دیا جس کے مطابق لیفٹ آرم سپنرز اکتا بشت اور راجیشوری کی دوبارہ ٹیم میں واپسی ہوئی ہے جبکہ ، رومیلی دہار اور رادھا یاداو کو ڈراپ کر دیا گیا۔

(جاری ہے)

ایونٹ یکم جون سے 11 جون تک ملائیشیا میں کھیلا جائے گا۔ اعلان کردہ سکواڈ کپتان ہرمنپریت کوہر، سمریتی مندھانہ، متھالی راج، جمیما روڈریگائز، دپتی شرما، انوجا پٹیل، ویدا کرشنا مورتھی، تانیہ بھاتیہ، جھولن گوسوامی، پوجا واستراکر، شیکھا پانڈے، پونم یاداو، راجیشوری، اکتا بشت اور مونا مشرم پر مشتمل ہے۔