محکمہ لائیو سٹاک کے موبائل ٹریننگ سکول بس پروگرام کے تحت ڈویژن بھر میں شعور و آگاہی مہم کا سلسلہ جاری

منگل 8 مئی 2018 14:30

فیصل آباد۔08مئی(اُردو پوائنٹ اخبارتازہ ترین - اے پی پی۔ 08 مئی2018ء) محکمہ لائیو سٹاک کے موبائل ٹریننگ سکول بس پروگرام کے تحت ڈویژن بھر میں شعور و آگاہی مہم کا سلسلہ جاری ہے جبکہ اس ضمن میں محکمہ لائیو سٹاک نے ماہ اپریل کے دوران ڈویژن بھر میں 2650 افراد کو موبائل ٹریننگ سکول بس کے ذریعے آگاہی فراہم کی ۔

(جاری ہے)

ڈائریکٹر لائیو سٹاک ڈاکٹر صالحہ گل نے بتایا کہ محکمہ کے منصوبہ توسیع و آگاہی کے تحت فارمرز کی تربیت کا سلسلہ جاری ہے اور ماہ اپریل میں 44 تعلیمی اداروں کے وزٹس میں 95 ٹریننگ سیشن کرکے مویشی پال حضرات کو گوشت ‘ دودھ اور انڈوں کی اہمیت و افادیت سے آگاہ کیا گیا ۔

انہوں نے بتایا کہ سیشن کے دوران فارمرز کو جانوروں کی بیماریوں کے بروقت علاج کے بارے میں بھی آگاہی دی جارہی ہے اور تربیتی پروگرام شیڈول کے مطابق جاری ہیں ۔