انٹر ریجنل انڈر23گیمز کے مرد وخواتین کھیلوں کے مقابلوں میں پشاورکی کامیابی ہمارے لئے باعث خوشی ہے ،ْجمشید بلوچ

ایبٹ آباد(اُردو پوائنٹ اخبارتازہ ترین - این این آئی۔ 08 مئی2018ء) ڈسٹرکٹ سپورٹس آفیسر جمشید خان بلوچ نے صوبائی دارالحکومت پشاوراور چارسدہ بسمیت مختلف مقامات پر کھیلے جانیوالے انٹر ریجنل انڈر23گیمز کے سلسلے میںمرد وخواتین کھیلوں کے مقابلوں میں پشاورریجن کی شاندار کامیابی پر کھلاڑیوں کو دلی مبارکباد دیتے ہوئے کہاکہ اس کامیابی میں کھلاڑیوں کی محنت سمیت ارگنائزر اورڈی ایس اوزسٹاف کی ٹیم ورک کانتیجہ ہے ،انہوںنے کھلاڑیوں کے اعزازمیں ایک پروقارتقریب منعقدکرنے کا اعلان کیا۔

صوبائی سپوررٹس ڈائریکٹر یٹ کے بینر تلے گزشتہ سالوں کی طرح امسال بھی صوبے بھرمیں ڈویژن انٹر ڈسٹرکٹ مقابلوں کے بعد پشاورمیں انٹر ڈویژنل گیمز کاکامیاب انعقاد کیا،یہ گیمزصوبائی وزیر کھیل محمود خان، سیکرٹری سپورٹس محمد طارق خان اورڈی جی سپورٹس جنیدخان کی ذاتی کوششوں سے منعقد ہوئے ،ان گیمزمیں پشاور ،سوات،بنوں،ہزارہ ،ڈی آئی خان ،مردان اور کوہاٹ ڈویژن کے مختلف اضلاع سے کے کھلاڑیوں نے بھر پورجوش وجذبے سے حصہ لیابلکہ انکے ساتھ ہی ان کھلاڑیوں کوشوزاور کٹس سمیت کھیلوں کے جدیدسامان فراہم کیا گیا،انہوںنے کہاکہ انٹر ڈویژنل انڈر23گیمز کی مناسبت سے عبدالولی خان سپورٹس کمپلیکس چارسدہ،قیوم سٹیڈیم ،حیات آباد سپورٹس ،پشاور یونیورسٹی اور بورڈ آف انٹر میڈیٹ اینڈ سیکنڈری ایجوکیشن بورڈ میں کھیلے جانیوالے مرد وخواتین کھیلوں کے ہاکی،ہینڈ بال،سکواش،ٹیبل ٹینس،بیس بال سمیت مختلف کھیلوں کے مقابلے جیتنے پر پشاور ریجن کے کھلاڑیوں مبارکباد دی اور کہاکہ ان کامیابی میں کھلاڑیوں کی بھر پور محنت، ارگنازئرزاور ڈی ایس اوزکے سٹاف کی محنت کا ایک ٹیم ورک کا نتیجہ ہے ۔

(جاری ہے)

جمشید بلوچ نے کہاکہ پشاور میں کھیلوں کی ترقی کیلئے صوبائی سپورٹس ڈائریکٹریٹ کیساتھ ساتھ ضلع ناظم ارباب عاصم خان ، ڈپٹی کمشنر پشاور اور ڈسٹرکٹ سپورٹس کمیٹی نے بھی کلیدی رول اداکیا ہے اور تقریباًہر ہفتے پشاور کے مختلف یونین کونسل میں کرکٹ،بیس بال،ہاکی،فٹ بال،آرچری،تھروبال،ہینڈ بال،باسکٹ بال،بیڈمنٹن،ٹیبل ٹینس،سکواش،والی بال سمیت مختلف کھیلوں کے مقابلے تواترکیساتھ منعقد کئے جاتے ہیں جسکے باعث نوجوانوں میں نہ صرف کھیلوں کا جذبہ پیداہوگیاہے بلکہ ہر یونین کونسل کولاکھوں روپے مالیت کا جدیدسپورٹس سامان بھی مہیاکیا گیاہے انہوںنے اس عزم کااظہار کیاکہ انشاء اللہ پشاور سمیت خیبر پختو نخوامیں کھیلوں کی سرگرمیوں کواسی طرح جاری رکھیںگے ،جس سے یقیناًنوجوان نسل غلط سرگرمیوں سے بچاکر تعلیم اور کھیلوں جیسی مثبت سرگرمیوں کی طرف راغب ہوکر قومی اور بین الاقوامی سطح پر ملک وقوم کا نام روشن کرسکیںگے ۔

جمشید خان بلوچ نے انڈر23گیمزمیں پشاور کی زبردست کامیابی پر پشاور کھلاڑیوں کی حوصلہ آفزائی کیلئے انکے اعزازمیں ایک پروقارتقریب کے انعقاد کا اعلا ن کیا ۔