اقوام متحدہ ۔ (اُردو پوائنٹ اخبارتازہ ترین - اے پی پی۔ 08 مئی2018ء)
اقوام متحدہ کا کہنا ہے کہ گذشتہ ماہ
افغانستان کے صوبے قندز میں فضائی حملے میں
ہلاک ہونے والے 51 افراد میں 30 بچے شامل تھے۔رواں ماہ اپریل کی 2 تاریخ کو حملے کے بعد افغان حکام نے کہا تھا کہ ان کی فضائیہ نے
طالبان کے سینئیر رہنماؤں کو نشانہ بنایا ہے
۔اقوام متحدہ کی جانب سے کی جانے والی تحقیقات میں کہا گیا ہے کہ حملے میں نشانہ بننے والے مدرسے کے قریب ہی ہونے والی ایک تقریب میں موجود 6 افراد بھی
ہلاک ہوئے۔
رپورٹ میں کہا گیا ہے کہ مصدقہ اطلاعات ہیں کہ
ہلاک ہونے والوں کی حتمی تعداد زیادہ ہو سکتی ہے
۔اقوام متحدہ کا کہنا ہے کہ ضلع دشت آرچی میں منعقدہ تقریب میں سینکڑوں لڑکے اور آدمی شریک تھے جب ہیلی کاپٹر کے ذریعے وہاں راکٹ اور ہیوی مشین گنوں سے
حملہ کیا گیا۔
(جاری ہے)
یاد رہے کہ ابتداء میں افغان حکام نے کہا تھا کہ 18 سینیئر جنگجو وہاں حملے کی منصوبہ بندی کر رہے تھے۔
حکومت نے
طالبان پر الزام لگایا کہ وہ شہریوں کو مارتے ہیں۔تاہم واقعے کے بعد وہاں موجود ایکعینی شاہد نے بتایا تھا کہ نشانہ بننے والے تمام افراد کو بموں کے ٹکرے لگے جبکہ حکومت نے کہا تھا کہ ہلاکتیں گولیاں لگنے سے ہوئی۔ادھر
طالبان نے اس دعوے کو مسترد کیا ہے کہ حملے کے وقت وہاں کوئی جنگجو تھا بلکہ ان کا کہنا ہے کہ حملے میں 200 شہری
ہلاک ہوئے۔
افغانستان میں
اقوام متحدہ کے مشن کے نائب کا کہنا ہے کہ وہ اس سے انکار یا اس کی تصدیق تو نہیں کر سکتے کہ فضائی حملے کے وقت وہاں
طالبان جنگجو موجود تھے یا نہیں تاہم یہ سوال اٹھتا ہے کہ حکومت نے یہ اقدام اٹھاتے ہوئے شہری ہلاکتوں سے بچنے کے لیے کس قدر ٹھوس اقدامات کیے تھے۔رپورٹ میں مزید کہا گیا ہے کہ بڑی تعداد میں بچوں کی ہلاکتوں سے یہ خدشات پیدا ہوئے ہیں کہ حکومت انسانی ہمدردی سے متعلق احتیاط اور بین الاقوامی قانون کی کس قدر پاسداری کرتی ہے۔
تحقیقات کرنے والوں کا کہنا ہے کہ مقامی افراد خود کو افغان حکومت اور
طالبان کے درمیان گھرا ہوا محسوس کرتے ہیں
۔افغانستان میں مرکزی حکومت اور صوبائی حکومت بھی اس واقعے کی تحقیقات کر رہی ہیں تاہم ابھی ان کی کوئی رپورٹ سامنے نہیں آسکی
۔ٹرمپ انتظامیہ کے آنے کے بعد افغان اور امریکی افواج نے ملک میں متعدد حملے کیے ہیں تاہم
اقوام متحدہ کا کہنا ہے کہ فضائی حملوں میں شہریوں کی ہلاکتوں میں اضافہ ہوا ہے۔ 2017 میں حکومت کی حامی افواج کے فضائی حملوں میں 631 شہری
ہلاک ہوئے۔اگرچہ گذشتہ برس کل شہری ہلاکتوں کی تعداد کم ہوئی تاہم فضائی حملوں میں ہلاکتوں کی تعداد 2016 کے مقابلے میں7 فیصد بڑھی۔
