سی بی الیون نے ڈیپارٹمنٹل ٹی 20 کرکٹ چیمپئن شپ کے ایک میچ میں پاکستان سٹیٹ بنک کو 9 وکٹوں سے ہرا دیا

منگل 8 مئی 2018 15:50

اسلام آباد ۔ (اُردو پوائنٹ اخبارتازہ ترین - اے پی پی۔ 08 مئی2018ء) پاکستان کرکٹ بورڈ کے زیراہتمام ڈیپارٹمنٹل ٹی 20 کرکٹ چیمپئن شپ میں سی بی الیون نے پاکستان سٹیٹ بنک کی ٹیم کو 9 وکٹوں سے ہرا دیا۔

(جاری ہے)

نیشنل سٹیڈیم کراچی میں کھیلے گئے میچ میں ٹاس جیت کر پہلے کھیلتے ہوئے سٹیٹ بنک کی ٹیم نے مقررہ 20 اوورز میں 5 وکٹوں کے نقصان پر 113 رنز بنائے، ارم جاوید ایک چھکے اور چار چوکوں کی مدد سے 65 رنز ناقابل شکست رہی، صباء نذیر نے 19 رنز دے کر 3 کھلاڑیوں کو آئوٹ کیا۔

جواب میں پی سی بی الیون نے مطلوبہ ہدف 17 اوورز میں ایک وکٹ کے نقصان پر حاصل کرلیا۔ جویریہ رئوف نے چار چوکوں کی مدد سے 52 رنزبنائے، اممہ سہیل نے 5 چوکوں سے 41 رنز بناکر ناٹ آؤٹ رہے، انجم آمیں نے 11 رنز دے کر ایک وکٹ حاصل کی۔ پی سی بی الیون کی صباء نذیر کو میچ کی بہترین کھلاڑی قرار دیا گیا ہے۔