فیصل آباد، موٹر سائیکلوں کے مابین تصادم ،30سالہ شخص جاں بحق ،ایک زخمی

منگل 8 مئی 2018 16:00

فیصل آباد (اُردو پوائنٹ اخبارتازہ ترین - این این آئی۔ 08 مئی2018ء) موٹر سائیکلوں کے مابین تصادم کے نتیجہ میں30سالہ شخص جاں بحق جبکہ دوسرا زخمی ہو گیا۔

(جاری ہے)

بتایا گیا ہے کہ جڑانوالہ کے نواحی گائوں 433گ ب جھوک دتہ کا رہائشی 30سالہ نواز موٹر سائیکل پر سوار ہو کر گھر واپس جا رہا تھا کہ راستہ میں ریلوے پھاٹک کے قریب سامنے سے آنے والے موٹر سائیکل سوار اسد سکننہ 431گ ب سے جا ٹکرایا جس کے نتیجہ میں نواز زخموں کی تاب نہ لاتے ہوئے دم توڑ گیا جبکہ اسد کو شدید چوٹیں آئیں ۔ اطلاع پر پولیس نے نعش کو تحویل میں لے کر ضروری کارروائی کے بعد ورثاء کے حوالے کر دیا۔