تھیلسیمیا کے عالمی دن کے موقع پرتھیلسیمیا سے بچائو کے آن لائن سسٹم کا افتتاح
تھیلسیمیا پاکستان کی سب سے بڑی موروثی بیماری ہے،بچائو کیلئے محکمہ صحت اور پی ٹی پی پی بھرپورسہولیات فراہم کر رہے ہیں‘سلمان رفیق
منگل 8 مئی 2018 16:50
(جاری ہے)
تھیلسیمیا کے بچوں نے اِس موقع پر رنگارنگ ٹیبلو بھی پیش کیا۔
سیمینار سے خطاب کرتے ہوئے ڈاکٹر شبنم بشیر پراجیکٹ ڈائریکٹر پی ٹی پی پی نے تھیلسیمیا کی بیماری اور اِس کی پیچیدگیوں کے بارے میںآگاہ کیا۔ اِس وقت پاکستان میں 10-12ملین تھیلسیمیا کے کیرئیر اور تقریباً 60,000تھیلسیمیا میجر کے مریض رجسٹرڈ ہیں۔ اور ان میں ہر سال 6000کا اضافہ ہور ہا ہے۔جن کا مکمل علاج پاکستان جیسے ترقی پذیر ملک کے لئے ناممکن ہے۔ اس سلسلے میں حکومتِ پنجاب پی ٹی پی پی کے ذریعے تھیلسیمیا سے بچائو کی مکمل سہولیات جن میں تھیلسیمیا کے کیرئیر کی سکریننگ اور تشخیص قبل از پیدائیش ہے فراہم کر رہی ہے۔پی ٹی پی پی تھیلسیمیا سے بچائوکی سہولیات پنجاب کے تمام (36)اضلاع میں مفت فراہم کر رہے ہیں۔ سیکریٹری جنرل تھیلسیمیا فیڈریشن آف پاکستان، ڈاکٹر یاسمین راشد نے بھی اس موقع پر اظہارِ خیال کرتے ہوئے پی ٹی پی پی کی کاوشوں کو سراہا اور تھیسلسیمیا کے تدارک میں اہم کردار ادا کرنے اوراِس کے بارے میں آگاہی دینے کے لئے ہر ممکن تعاون کی یقین دہانی کروائی۔ انہوں نے مزید کہا کہ تھیلسیمیا سے بچائو کے پراجیکٹس پنجاب کے علاوہ دیگر صوبوں میں بھی شروع کرنے کی اشد ضرورت ہے۔تقریب کے مہمانِ خصوصی وزیرِ صحت خواجہ سلمان رفیق نے پی ٹی پی پی آن لائن سافٹ وئیر کا افتتاح کیا اس سافٹ وئیرکی مدد سے اب پی ٹی پی پی کے فیلڈ افسران پنجاب کے تمام اضلاع میں مریضوں، ان کے خاندان کے ا فراداور عام لوگوں کی تھیلسیما سکریننگ کرتے وقت رئیل ٹائم میں ان کا ڈیٹا اپ لوڈ کرسکیں گے۔مریضوں کے سمپلز بارکوڈ ریڈرز کے ساتھ ہونگے اور بہت جلدآٹومیٹک مشینیں بھی سافٹ وئیر کے ساتھ منسلک کردی جائیںگی ۔اس کے ساتھ نہ صرف ٹسٹ کے رزلٹ اور ان کی کوالٹی میں بہت اضافہ ہوگا بلکہ پراجیکٹ کی مینجمنٹ بھی بہت بہتر ہو جائے گی اوراس کے ساتھ ساتھ مریضوں کو آن لائن رپورٹ کی سہولت بھی میسر ہو گی۔سیمینار سے خطاب کرتے ہوئے خواجہ سلمان رفیق نے کہا کہ تھیلسیمیا پاکستان کی سب سے بڑی موروثی بیماری ہے۔ اور اس سے بچائو کے لئے وزیرا علیٰ پنجاب کی زیرِ قیادت محکمہ صحت اور پی ٹی پی پی بھرپورسہولیات فراہم کر رہے ہیں۔ انہوں نے پنجاب انفارمیشن ٹیکنالوجی بورڈ (پی آئی ٹی بی) اور پی ٹی پی پی کی مشترکہ کاوشوں سے تیار ہونے والے آن لائن سافٹ وئیر کے اقدام کو بھی سراہا اور پی آئی ٹی بی کا شکریہ ادا کیا کہ انہوںنے اس سلسلے میں ہر ممکن تعاون کیا۔وزیر صحت نے مزید کہا کہ مجھے نہایت خوشی ہے کہ پی ٹی پی پی نہایت بھرپور طریقے سے تھیلسیمیا سے بچائو کی سہولیات فراہم کر رہے ہیں۔مزید براں انہوں نے اِس وعدے کے ساتھ اپنی تقریرکا اختتام کیاکہ حکومتِ پنجاب کا عزم ہے کہ تھیلسیمیا سے بچائو کی مکمل سہولیات پنجاب کے چھوٹے سے چھوٹے شہر اور گائوں تک پہنچائی جائیں گی تاکہ آئندہ آنے والی نسلوں کو اِس بیمار ی سے بچایاجاسکے۔مزید قومی خبریں
-
موسم بہار کی شجر کاری مہم ،سپیکر قومی اسمبلی نے پارلیمنٹ ہاؤس کے سبزہ زار میں میگنولیا گرینڈی فلورا کا پودا لگایا
-
سپیکر قومی اسمبلی سے اراکین کی ملاقات،قائمہ کمیٹیوں کی تشکیل پر تبادلہ خیال
-
وفاقی دارالحکومت اسلام آباد میں نان روٹی کی قیمتوں میں کمی کا نوٹیفکیشن عدالت نے 6 مئی تک معطل کردیا
-
ملیریا پرقابو پانے کےلئے مشترکہ کوششوں کی ضرورت ہے،چیئرمین سینیٹ کا ملیریا کے عالمی دن کے موقع پر پیغام
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری
-
9 مئی: ڈاکٹر یاسمین راشد کی درخواست ضمانت پر سماعت 27 اپریل تک ملتوی
-
موسمیاتی تبدیلی کرہ ارض کا درپیش عظیم چیلنج ہے، صورتحال کی سنگینی کو سمجھنا ہوگا: بلیغ الرحمان
-
گرفتاری کاڈر:شیر افضل مروت نے اسلام آباد ہائی کورٹ سے حفاظتی ضمانت کیلئے رجوع کرلیا
-
فواد چوہدری کیخلاف مقدمات،سیکرٹری داخلہ کو توہین عدالت کی درخواست پر نوٹس
-
کے پی حکومت کا بیوٹی پارلرز کے بعد وکلا کو بھی فکسڈ ٹیکس نیٹ میں لانے کا فیصلہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.