ضلعی انتظامیہ اسلام آباد کی ملاوٹ شدہ اور ناقص اشیاء خوردونوش کے خلاف مہم جاری،

منگل 8 مئی 2018 16:50

اسلام آباد ۔ (اُردو پوائنٹ اخبارتازہ ترین - اے پی پی۔ 08 مئی2018ء) ضلعی انتظامیہ اسلام آباد کی ملاوٹ شدہ اور ناقص اشیاء خوردونوش کے خلاف مہم جاری ہے۔ چیف کمشنر اسلام آباد آفتاب اکبر درانی نے ہدایت کی ہے کہ ماہ رمضان المبارک کے دوران اشیاء خوردونوش کی کوالٹی یقینی بنائی جائے۔

(جاری ہے)

مہم کے دوان فوڈ اور ہیلتھ ٹیموں نے صفائی کے ناقص انتظامات پر ایک ریسٹورنٹ جزوی طور پر سیل کیا ہے اور ڈرگ انسپکٹر اسلام آباد نے ایک ڈرگ آئوٹ لیٹ ڈرگ ایکٹ کی خلاف ورزی پر سیل کیا ہے۔

ٹیموں نے کل 141 فوڈ آئوٹ لیٹس کی چیکنگ کی ہے اور 25 فوڈ آئوٹ لیٹس کے چالان عدالت میں پیش جبکہ 41کو نوٹس جاری کئے ہیں۔ 60 پیکٹس تارا نسوار ضبط کی ہے، 11 سیمپل لیبارٹری بھجوائے ہیں۔ ضلعی انتظامیہ نے تمام فوڈ آئوٹ لیٹس کو ہدایت کی ہے کہ وہ حفظان صحت کے قوانین کی پابندی کریں اور ورکرز کی باقاعدہ ویکسینیشن کرائیں ۔