سونم کپور اور آنند آہوجا شادی کے بندھن میں بندھ گئے

شادی میں بالی وڈ کے نامور ستاروں نے شرکت کی اور چار چاند لگا دیئے ْشادی کے بعد سونم کپور کے بھائی ہرشوردھن نے باہر موجود عام افراد میں مٹھائی بھی تقسیم کی

منگل مئی 17:22

سونم کپور اور آنند آہوجا شادی کے بندھن میں بندھ گئے
ممبئی (اُردو پوائنٹ اخبارتازہ ترین۔ 08 مئی2018ء) بالی وڈ کی معروف اداکارہ سونم کپور اور آنند آہوجا شادی کے بندھن میں بندھ گئے۔ منگل کو دوپہر اداکار انیل کپور کی صاحبزادی و اداکارہ سونم کپور کی شادی آنند آہوجا سے سکھ رسوم و رواج کے مطابق انجام پائی۔

(جاری ہے)

شادی میں بالی وڈ کے نامور ستاروں نے شرکت کی اور چار چاند لگا دیئے، جن میں امیتابھ بچن، ورون دھون، ارجن کپور، رانی مکھرجی، کرشمہ کپور، کرینہ کپور، سیف علی خان، ننھے تیمور، جیکولین فرنینڈز، رنویر سنگھ اور دیگر شامل تھے۔

اس دوران رنویر سنگھ اور ارجن کپور نے مل کر خوب ہلا گلا کیا اور سونم کپور کی فلم کا گانا بھی گایا۔۔شادی کے بعد سونم کپور کے بھائی ہرشوردھن نے باہر موجود عام افراد میں مٹھائی بھی تقسیم کی۔اداکارہ سونم کپور نے سرخ لہنگے کے ساتھ روایتی جیولری زیب تن کی اور ہلکے میک اپ کا انتخاب کیا۔سونم کا شادی کا جھل مل کردہ خوبصورت لباس بھارتی ڈیزائنر انورادھا واکل نے ڈایزئن کیا۔