حسد کرنے والوں کی باتوں پر کبھی توجہ نہیں دی‘نگار چوہدری

بدھ مئی 16:32

حسد کرنے والوں کی باتوں پر کبھی توجہ نہیں دی‘نگار چوہدری
لاہور(اُردو پوائنٹ اخبارتازہ ترین۔ 09 مئی2018ء) اداکارہ نگار چوہدری نے کہا ہے کہ مجھے مقابلہ بازی سے نفرت ہے‘ میں اپنے کام پر توجہ دیتی ہوں‘ ہمیشہ اپنے فن اورمحنت سے شہرت حاصل کی، غلط طریقوں سے حاصل کیا گیا نام اور مقام بہت جلد ختم ہو جاتا ہے۔

(جاری ہے)

اپنے ایک انٹر ویو میںنگار چوہدری نے کہا کہ جو لوگ تنقید اور الزام تراشی کرتے ہیں ان لوگوں سے میری درخواست ہے کہ وہ یہ سب کرنے کی بجائے اپنے کام پر توجہ دیں۔میرے آئٹم سانگ پر پرستار بھنگڑے ڈالتے ہیں‘میرے خلاف سازش کرنے والی خود کو بہتر بنائیں میں ان کی کامیابی کے لئے دعا گو ہوں۔ ایک سوال کے جواب میں انہوں نے کہا کہ حسد کرنے والوں کی باتوں پر کبھی توجہ نہیں دی اور اپنے کام کو بہتر سے بہتر بنانے کی کوشش کی ہے۔