محکمہ ہائر ایجوکیشن پنجاب نے کالج اساتذہ کی گرمیوں کی چھٹیاں منسوخ کر دیں ،مراسلہ جاری

سرکاری کالجوں کے اساتذہ کو موسم گرما کی تعطیلات کے دوران ایکس پاکستان لیو بھی نہیں دی جائے گی

بدھ 9 مئی 2018 16:40

لاہور (اُردو پوائنٹ اخبارتازہ ترین - این این آئی۔ 09 مئی2018ء) محکمہ ہائر ایجوکیشن پنجاب نے کالج اساتذہ کی گرمیوں کی چھٹیاں منسوخ کر دیں ،مراسلہ جاری کردیا گیا۔

(جاری ہے)

بتایا گیا ہے کہ محکمہ ہائر ایجوکیشن پنجاب کی جانب سے سرکاری کالجوں کے اساتذہ کی موسم گرما کی چھٹیاں بند کرنے کا فیصلہ کیا ہے اور اس ضمن میں ڈی پی آئی کالجز پنجاب ڈاکٹر نصر اللہ ورک کی جانب سے مراسلہ بھی جاری کر دیا گیا ہے۔

سرکاری کالجوں کے اساتذہ کو موسم گرما کی تعطیلات کے دوران ایکس پاکستان لیو بھی نہیں دی جائے گی۔مراسلے میں کہا گیا ہے کہ جن اساتذہ کی الیکشن ڈیوٹیز ہیں وہ اپنی ڈیوٹیاں سر انجام دیں گے تاکہ جنرل الیکشن کے دوران مشکلات پیدا نہ ہوں۔ ڈی پی آئی کالجز نے ڈائریکٹر کالجز اور پرنسپلز کو اس مراسلے پر سختی سے عمل درآمد کرنے کی ہدایات جاری کی گئی ہیں۔