پی ٹی آئی مبینہ غیرملکی پارٹی فنڈنگ کی تحقیقات کیلئے ٹی او آرز کے معاملے پر سماعت دو ہفتوں کیلئے ملتوی کر دی گئی

تفصیلات نہیں دی جاتیں تو الیکشن کمیشن قانونی فیصلہ کرے، چار سال سے کیس چل رہا ہے اب الیکشن کمیشن کو فیصلہ کر دینا چاہیے ،ْ وکیل اکبر ایس بابر

بدھ 9 مئی 2018 17:32

پی ٹی آئی مبینہ غیرملکی پارٹی فنڈنگ کی تحقیقات کیلئے ٹی او آرز کے ..

اسلام آباد (اُردو پوائنٹ اخبارتازہ ترین - این این آئی۔ 09 مئی2018ء) الیکشن کمیشن نے تحریک انصاف کے وکیل بابراعوان کی استدعا پر پی ٹی آئی مبینہ غیرملکی پارٹی فنڈنگ کی تحقیقات کیلئے ٹی او آرز کے معاملے پر سماعت دو ہفتوں کیلئے ملتوی کر دی۔

(جاری ہے)

بدھ کو الیکشن کمیشن میں ممبر کمیشن غفار سومرو کی سربراہی میں 3 رکنی بنچ نے پی ٹی آئی غیرملکی فنڈنگ کیس کی تحقیقات کیلئے ٹی او آرز کے معاملے پر سماعت کی، اکبر ایس بابر کے وکیل نے کہا کہ پی ٹی آئی نے کمیٹی کے سامنے درخواست گزار کی موجودگی میں تفصیلات دینے سے انکار کیا، اگر تفصیلات نہیں دی جاتیں تو الیکشن کمیشن قانونی فیصلہ کرے، چار سال سے کیس چل رہا ہے اب الیکشن کمیشن کو فیصلہ کر دینا چاہیے۔

تحریک انصاف کی جانب سے بابراعوان نے وکالت نامہ جمع کرایا، انہوںنے کہاکہ پہلی بار دیکھا ہے کہ ایک وکیل نے وکالت نامہ جمع کرایا، دوسری جانب سے دلائل دئیے جارہے ہیں۔ انہوں نے سماعت 2 ہفتوں کیلئے ملتوی کرنے کی استدعا کی اورکہا کہ آئندہ بے شک کیس کو روزانہ کی بنیاد پر سن لیں، منٹوں میں ٹی او آرز پر دلائل دے دوں گا، الیکشن کمیشن نے سماعت 28 مئی تک ملتوی کردی۔