فیصل آباد، بس اور ٹرالہ میں ہونیوالے خوفناک حادثہ میں 4 افراد جاں بحق

بدھ مئی 18:21

فیصل آباد(اُردو پوائنٹ اخبارتازہ ترین۔ 09 مئی2018ء) ساہیانوالہ کے قریب بس اور ٹرالہ میں ہونیوالے خوفناک حادثہ میں 4 افراد جاں بحق ہو گئے جبکہ درجن بھر افراد زخمی ہو کر ہسپتال پہنچ گئے‘ حادثہ اتنا شدید تھا کہ جاں بحق ہونے والے ایک بدقسمت مسافر کی نعش بری طرح مسخ ہو گئی جسے بس کی باڈی کاٹ کر باہر نکالا گیا۔

(جاری ہے)

مرنے والوں میں بس ڈرائیور بھی شامل ‘ آٹھ شدید زخمی مسافروں کی حالت خطرناک بتائی جاتی ہے آن لائن کے مطابق تھانہ ساہیانوالہ میں ساہیانوالہ انٹر چینج کے قریب شالیمار کمپنی کی بس نمبری 066بی ایس اے ملتان سے راولپنڈی جاتے ہوئے بے قابو ہو کرسیمنٹ کے گارڈر سے لوڈ ٹرالر نمبری بی ایل کے 221سے جا ٹکرائی زخمی مسافروں اور عینی شاہدین کے مطابق بس ڈرائیور کو اونگھ آنے سے حادثہ پیش آیا جس کے نتیجہ میں مرنیوالوں میں گاڑی ڈرائیور اور بس کا ہیلپر منڈی شاہ جیونہ کا رہائشی تیس سالہ اورنگزیب ولداللہ بخش ‘ملتان شجاع آباد کے رہائشی مسافروں میں صابر ولد رب نواز ‘ناذر عباس ولدغلام حسین شامل ہیں ‘تھانہ ساہیانوالہ پولیس نے بتایا کہ ڈرائیور ز فرار ہو چکے ہیں جبکہ حادثہ کے نتیجہ میں گیارہ افراد زخمی ہوئے ریسکیو کی امدادی ٹیموں نے تین افراد کو طبی امداد دیکر ڈسچارج کردیا جبکہ شدید زخمی ہونیوالے آٹھ افراد کو الائیڈ ہسپتال منتقل کیا ‘ مسافر بس اور ٹرالر میں ہونیوالی ٹکر اتنی شدید تھی کہ ایک بس مسافر کو موقع پرہارٹ اٹیک ہوگیا ، جس پر ریسکیو 1122کے عملہ نے اسے فوری طور پر فیصل آباد انسٹی ٹیوٹ آف کارڈیالوجی منتقل کر دیا جہاں اسے طبی امداد دی جارہی ہے ملتان شجاع آباد کا رہائشی چھبیس سالہ محمد قاسم ولد منظور‘کبیر والا کا رہائشی علی رضا ولد خضر حیات ‘شہباز ولد منظور ‘ملتان کارہائشی محمد حسنین ولدحسین ‘طاہر ولد محمد حسین ‘مدثر ولد خادم ‘عبدالعزیز ولد محمد شکور‘محمد سفیان ولد محمد افضل ‘مبشر ولد خادم زخمی ہونیوالوں میں شامل ہیں جنہیں الائیڈ ہسپتال میں طبی امداد کی فراہمی جاری ہے ۔