ن) لیگ کا جنوبی پنجاب سے بوری بستر گول ہو چکا انشاء اللہ جلد ملک بھر سے ہوجائے گا‘اعجاز چوہدری

جنوبی پنجاب اور فاٹا کی عوام کو پی ٹی آئی بنیادی حق دلائے گی ، پی ٹی آئی ملک کی سب سے بڑی سیاسی قوت بن کر ابھری ہیں

بدھ 9 مئی 2018 22:42

لاہور (اُردو پوائنٹ اخبارتازہ ترین - این این آئی۔ 09 مئی2018ء) پاکستان تحریک انصا ف کے سینئر مرکزی رہنما اعجازاحمد چوہدری نے کہاہے کہ جنوبی پنجاب محاذ کے رہنماؤں کی تحریک انصاف میں شمولیت پر ان کاخیر مقدم کر تے ہیں،جنوبی محاذ کے رہنماؤں کی شمولیت پی ٹی آئی کی بڑی کامیابی ہیں، عمران خان نے جنوبی پنجاب اور فاٹا کے عوام کے دل جیت لیے ہیں، (ن) لیگ کا جنوبی پنجاب سے بوری بستر گول ہو چکا انشاء اللہ جلد ملک بھر سے ہوجائے گا، جنوبی پنجاب اور فاٹا کی عوام کو پی ٹی آئی بنیادی حق دلائی گی ، پی ٹی آئی ملک کی سب سے بڑی سیاسی قوت بن کر ابھری ہیں،پی ٹی آئی اقتدار میں آ کر مظبوط لوکل گورنمنٹ سسٹم لائے گی اور عوام کی امیدیں پر پورے اترے گی ۔

وہ گز شتہ روز اپنی رہائش گاہ پر پی ٹی آئی فرانس کے صدر میاں زوالفقار کی قیادت میں ملنے والے وفد سے گفتگو کررہے تھے ۔

(جاری ہے)

انہوںنے کہاکہ اوورسیز پاکستانی کو ووٹ کاحق ملنا چائیے،پی ٹی آئی اقتدار میںآکر اوورسیز پاکستانی کے مسائل حل کر ے گئی،یہ ملک کا قیمتی اثاثہ ہیںاور بیرون ملک سے ایک بڑی رقم کما کر ملک میں لاتے ہیں ، تما م اوورسیز پاکستانی صرف پی ٹی آئی کے ساتھ ہیں، پی ٹی آئی کی حکومت میں اووسیز پاکستانی کو ان کا جا ئز مقام ملے گا،ملک کی ترقی اور خوشحالی میں سب سے بڑے رول اوورسیز پاکستانی کاہے ،ن لیگ اور پیپلز پارٹی نے اووسیز پاکستانیوں کو ہمیشہ نظر انداز کیا۔

بعدازں اعجازاحمد چوہدری سے رحیم خان سے پارٹی رہنما شاہد طالب ، گجرات سے تاشفین صفدر ، محمد شاہد ، نواز نت اور فیاض بھٹی نے ملاقات کی جس میں آئندہ کے انتخابات کے حوالے سے تبادلہ خیا ل کیا گیا ۔