حقیقی جمہوریت ہی کرپشن کا بازاربندکرسکتی ہے، نعیم عادل شیخ

بدھ 9 مئی 2018 23:19

کراچی (اُردو پوائنٹ اخبارتازہ ترین - آئی این پی۔ 09 مئی2018ء) پاکستان تحریک انصاف لیبرونگ سندھ کے جنرل سیکریٹری نعیم عادل شیخ نے کہاہے کہ حقیقی جمہوریت آمریت سے محفوظ رہنے کا بہترین ہتھیارہے، انتخابات شفاف نہیں ہوئے توحقیقی جمہوریت ایک خواب ہی رہے گی،حقیقی جمہوریت آئے گی توکرپشن کابازاربندہوگا۔انہوں نے کہاکہ پیپلزپارٹی نے حکیم سعید گرائونڈ میں تحریک انصاف کے کیمپ میں اپنے غنڈوں کے ذریعے تشدداور دہشتگردانہ ہتھکنڈے استعمال کرکے اپنے روایتی کردارکو آشکارکیاہے۔

(جاری ہے)

پرتشددکارروائی اس بات کا ثبوت ہے کہ پیپلزپارٹی ایک دہشتگرد جماعت ہے۔انہوں نے کہاکہ پیپلزپارٹی بھول جائے کہ سندھ صرف پیپلزپارٹی کاہے،اس صوبے میں امن پسند سندھی، پٹھان، پنجابی اور اردوبولنے والے تشدد کی سیاست سے تنگ آچکے ہیں،صرف پی ٹی آئی ہے جوسندھ کے لوگوں کو امن کی ضمانت فراہم کرتی ہے۔انہوں نے کہاکہ پیپلزپارٹی کی حالیہ دہشتگردی سے یہ ظاہر ہوتاہے کہ آنے والے الیکشن میں بھی دھاندلی کی پلاننگ کی جارہی ہے لیکن پاکستان تحریک انصاف ان کے ناپاک عزائم کو ہرگزکامیاب نہیں ہونے دے گی۔کامیابی پی ٹی آئی کے قدم چومے گی۔#