دبئی میں سحری ڈرون کے ذریعے مساجد پہنچانے کا انتظام مکمل کر لیا گیا

نئی اچھوتی سہولت دبئی فروغ معاشرہ ادارے کے نوجوانوں نے پیش کرنے کا پروگرام بنایا ،سربراہ کی گفتگو

جمعرات مئی 13:11

دبئی(اُردو پوائنٹ اخبارتازہ ترین۔ 10 مئی2018ء) دبئی فروغ معاشرہ ادارے نے رمضان المبارک کے دوران سحری ڈرون کے ذریعے مساجد اور اطراف کے مقاما ت پر پہنچانے کا عزم ظاہر کردیا۔ کم ازکم 10 فیصد سحری ڈرون کے ذریعے ہی مہیا ہوگی۔

(جاری ہے)

عرب ٹی وی کے مطابق یہ نئی اچھوتی سہولت دبئی فروغ معاشرہ ادارے کے نوجوانوں نے پیش کرنے کا پروگرام بنایا ہے۔ ادارہ میں یوتھ کونسل کی سربراہ حلیمہ محمدنے کہاکہ ہمارے سامنے بہت سارے رضاکار تھے جو اس کار خیر میں دلچسپی رکھتے ہیں۔ ان کی خواہش تھی کہ یہ کام احسن شکل میں انجام پائے۔ ڈرون آٹھ بیٹریوں سے چلتا ہے۔ یہ ایک چکر میں 10 کلو گرام سحری کا سامان پہنچا سکے گا۔ اس کی بیٹری بار بار چارج کرنا پڑے گی۔