شرقپورشریف ،موٹر سائیکلوں میں تصادم،ایک شخص جاں بحق ،بچی سمیت تین افراد شدید زخمی

جمعرات 10 مئی 2018 14:29

شرقپورشریف (اُردو پوائنٹ اخبارتازہ ترین - این این آئی۔ 10 مئی2018ء) دو موٹر سائیکلوں کے درمیان تصادم کے نتیجے میں ایک شخص جاں بحق اور بچی سمیت تین افراد شدید زخمی ہو گئے ۔

(جاری ہے)

بتایا گیا ہے کہ تحصیل ہیڈ کواٹر ہسپتال کے قریب دو موٹر سائیکلیں تیز رفتاری کے باعث آپس میں ٹکرا گئیں جس کے نتیجہ میں چار افراد شدید زخمی ہو گئے جن میں ایک کمسن بچی اور ایک خاتون بھی تھی ۔شدید زخمی حالت میں خاتون رضیہ بی بی اور اکبر علی کو تشویشناک حالت میں ٹی ایچ کیو ہسپتال کے ڈاکٹر ز نے لاہور جنرل ہسپتال کے لئے روانہ کر دیا تاہم اکبر علی زخموں کی تاب نہ لاتے ہوئے راستے میں ہی دم توڑ گیا ۔