آسٹریلیا کا امریکی صدر دونلڈ ٹرمپ کے ایران کے ساتھ ایٹمی معاہدہ سے نکلنے کے فیصلہ پر افسوس کا اظہار

جمعرات 10 مئی 2018 14:37

کینبرا ۔ (اُردو پوائنٹ اخبارتازہ ترین - اے پی پی۔ 10 مئی2018ء) آسٹریلیا نے امریکی صدر دونلڈ ٹرمپ کے ایران کے ساتھ کئے گئے معاہدہ سے نکلنے کے فیصلہ پر افسوس کا اظہار کیا ہے اور تمام فریقین پر زور دیا ہے کہ وہ ایران کے ساتھ کئے گئے معاہدہ پر عمل درآمد کروائیں اور اس ضمن میں آسٹریلیا جو کچھ بھی کر سکتاہے وہ کرے گا ۔

(جاری ہے)

آسٹریلوی وزیر اعظم میلکولم ٹرن بل نے آسٹریلیئن براڈ کاسٹنگ کارپوریشن کو بتایا کہ امریکہ کا ایران کے ساتھ کئے گئے معاہدہ سے نکل جانا قواقعی ہمارے لئے بڑی افسوسناک بات ہے ۔

دریں اثناء آسٹریلیئن وزیر خارجہ جولی بشپ نے کہا ہے کہ امریکی فیصلہ سے جوائینٹ کمپری ہینسو پلان آف ایکشن کے مستقبل کے حوالہ سے غیر یقینی صورت حال پیدا ہوئی ہے ۔ واضح رہے کہ امریکی صدر ڈونلڈ ٹرمپ نے ایران کے ساتھ کئے گئے معاہدہ سے نکلنے کا جمعرات کو اعلان کیا تھا ۔