افغانستان تاریخی ٹیسٹ سے قبل بھارتی سرزمین پر بنگلہ دیش کے خلاف ٹی ٹونٹی سیریز کی میزبانی کرے گا

جمعرات 10 مئی 2018 16:30

کابل۔ (اُردو پوائنٹ اخبارتازہ ترین - اے پی پی۔ 10 مئی2018ء) افغانستان آئندہ ماہ بھارت کے خلاف شیڈول تاریخی ٹیسٹ سے قبل بھارتی سرزمین پر بنگلہ دیش کے خلاف ٹی ٹونٹی انٹرنیشنل کرکٹ سیریز کی میزبانی کرے گا۔

(جاری ہے)

افغانستان اور بھارت کے درمیان ٹیسٹ 14 جون سے شیڈول ہے، انٹرنیشنل کرکٹ کونسل (آئی سی سی) نے گزشتہ برس افغانستان اور آئرلینڈ کی ٹیموں کو ٹیسٹ کھیلنے کا درجہ دیا تھا، آئرش ٹیم آج جمعہ کو پاکستان کے خلاف ٹیسٹ ڈیبیو کر رہی ہے جبکہ افغانستانی ٹیم آئندہ ماہ ٹیسٹ کیریئر کا آغاز کرے گی۔ افغانستان کرکٹ بورڈ نے بنگلہ دیش کے خلاف تین ٹی ٹونٹی میچوں کی سیریز کا شیڈول جاری کر دیا جس کے تحت دونوں ٹیموں کے درمیان ٹی ٹونٹی سیریز کے میچز 3، 5 اور 7 جون کو کھیلے جائیں گے۔