امام الحق آئر لینڈ کے خلاف ٹیسٹ ڈیبیو یادگار بنانے کے خواہشمند

جمعرات 10 مئی 2018 19:50

ڈبلن(اُردو پوائنٹ اخبارتازہ ترین - آئی این پی۔ 10 مئی2018ء) امام الحق آئرلینڈ کے خلاف ٹیسٹ ڈیبیو یادگار بنانے کے خواہاں ہیں۔کیریئر کے اولین ون ڈے میچ میں سنچری بنانے والے اوپنر نے کہاکہ کوئی بھی فارمیٹ ہوپہلی اننگز کا اضافی دبا ضرور ہوتا ہے لیکن میں اس چیلنج کو قبول کرتے ہوئے اچھی کارکردگی دکھانے کی کوشش کروں گا۔

(جاری ہے)

ایک سوال پر امام الحق نے کہا کہ انگلش کنڈیشنز ایشیائی ٹیموں کے لیے آسان نہیں ہوتیں،فٹنس کا بھی سخت امتحان ہوتاہے، ہم لاہور میں سخت ٹریننگ کے مراحل سے گزرے، انگلینڈ میں بھی کنڈیشنز سے ہم آہنگ ہونے کا موقع ملا تاہم آئرلینڈ کیخلاف کامیابی کے ساتھ ٹور کا فاتحانہ آغاز کریں گے، انہوں نے کہا کہ نوجوان کھلاڑی کرکٹ کھیلتے ہوئے آرہے ہیں،سب بہتر کارکردگی کا مظاہرہ کریں گے۔