ریڈیو پاکستان کے میوزک چینل -"دھنک - " کا افتتاح (کل)ہوگا

جمعرات مئی 20:13

ریڈیو پاکستان کے میوزک چینل -
اسلام آباد (اُردو پوائنٹ اخبارتازہ ترین۔ 10 مئی2018ء) ریڈیو پاکستان کے میوزک چینل " دھنک" کی افتتاحی تقریب (کل)جمعہ 11 مئی 2018 کو نیشنل براڈکاسٹنگ ہائوس اسلام آباد میں ہوگی۔ وفاقی وزیر برائے اطلاعات و نشریات ، قومی تاریخ اور ادبی ورثہ محترمہ مریم اورنگ زیب اس موقع پر مہمانِ خصوصی ہوں گی۔افتتاحی تقریب زیڈاے بخاری آیڈیٹوریم سے کل شام07:15 بجے سے ریڈیو پاکستان کے قومی نشریاتی رابطے پر براہ راست نشر کی جائے گی۔

(جاری ہے)

ابتدائی طور پر اس چینل کے پروگرام تین اسٹیشنوں اسلام آباد ، لاہور اور دھنک کراچی کے نیٹ ورک سے نشر کیے جائیں گے۔ اس چینل کی فریکونسی FM-94 ہوگی۔نئے میوزک چینل کا مقصد نوجوان ٹیلنٹ کو اس شعبے میں متعارف کرانے کے ساتھ ساتھملکی موسیقی اور ثقافتی ورثہ کو پروان چڑھانا ہے۔ اس چینل سے صوفی میوزک، قوالیاں، کلاسیکی موسیقی،، لوک گیت، پاپ میوزک اور نئی اور پرانی فلموں کے گانے نشر کیے جائیں گے۔