راولپنڈی:سٹی گرامر سکول نے ایک سال کام کرنے کے باوجود ٹیچر کو سکول چھوڑنے پر آخری ماہ کی تنخواہ

،ْسیکیورٹی اور دیگر بقایاجات دینے سے انکار کر دیا ،ْ معلمہ نگہت شریف نے سی ای او حمیرا مشتاق کے خلاف لیگل نوٹس بھجوا دیا

جمعرات 10 مئی 2018 21:24

راولپنڈی(اُردو پوائنٹ اخبارتازہ ترین - آن لائن۔ 10 مئی2018ء)سٹی گرامر سکول نے ایک سال کام کرنے کے باوجود ٹیچر کو سکول چھوڑنے پر آخری ماہ کی تنخواہ ،ْسیکیورٹی اور دیگر بقایاجات دینے سے انکار کر دیا ،ْ معلمہ نگہت شریف نے سی ای او حمیرا مشتاق کے خلاف لیگل نوٹس بھجوا دیا۔معلمہ نگہت شریف کے وکیل سردار منظر بشیر ایڈووکیٹ کی جانب سے بھجوائے گئے لیگل نوٹس میں کہا گیا ہے کہ مارچ 2018ء کی تنخواہ ،ْسیکیورٹی فنڈ اور دیگر بقایا جات جو 50ہزار روپے بنتے ہیں ان کی واپسی اور سکول انتظامیہ کے ہتک آمیز رویے کے خلاف ایک لاکھ روپے ہرجانے کا دعویٰ کیا گیا ہے ۔

لیگل نوٹس میں سی ای او حمیرا مشتاق کو کہا گیا ہے کہ وہ یہ واجبات فوری طور پر ادا کریںبصورت دیگر قانونی کارروائی کی جائے گی۔

(جاری ہے)

ٹیچر نگہت بشیر نے ایک سال کے دوران سکول میں انتہائی محنت سے کام کیا اور ان کے خلاف کوئی شکایت نہیں تھی لیکن سکول انتظامیہ کے وعدے کے مطابق تنخواہ میں خاطر خواہ اضافہ نہ کرنے پر انہوں نے سکول چھوڑنے کا فیصلہ کیا۔معلمہ نگہت کا کہنا ہے کہ وہ گزشتہ دس برس سے ٹیچنگ کے شعبے سے وابستہ ہیں اور انہوں نے اپنے فرائض ہمیشہ دیانتداری اور لگن سے انجام دیئے لیکن سکول ہذا کی انتظامیہ کی جانب سے ان سے کئے گئے وعدے پورے نہیں کئے گئے اور تنخواہ کا تقاضا کرنے پر ان سے انتہائی ہتک آمیز رویہ اختیار کیا گیا ۔

Facebook Twitter Google + Share on Whatsapp

راولپنڈی:سٹی گرامر سکول نے ایک سال کام کرنے کے باوجود ٹیچر کو سکول چھوڑنے پر آخری ماہ کی تنخواہ

،ْسیکیورٹی اور دیگر بقایاجات دینے سے انکار کر دیا ،ْ معلمہ نگہت شریف نے سی ای او حمیرا مشتاق کے خلاف لیگل نوٹس بھجوا دیا

مزید قومی خبریں