پاکستان ریلوے نے تین افسران کے تقرروتبادلے کے احکامات جاری کر دیئے

جمعرات 10 مئی 2018 22:37

لاہور۔10 مئی(اُردو پوائنٹ اخبارتازہ ترین - اے پی پی۔ 10 مئی2018ء) پاکستان ریلوے نے سول انجینئرنگ اور الیکٹریکل انجینئرنگ کے گریڈ 19اور20کے تین افسران کے تقرروتبادلے کے احکامات جاری کر دئیے۔

(جاری ہے)

تفصیلات کے مطابق سول انجینئرنگ ڈیپارٹمنٹ کے گریڈ 20کے آفیسر فرخ تیمورخان کو ڈائریکٹرجنرل ویجیلنس ریلوے ہیڈکوارٹرز تعینات کیا ہے جبکہ الیکٹریکل انجینئرنگ ڈیپارٹمنٹ کے گریڈ 20کے آفیسر محمدافضل باجوہ کو ڈائریکٹرجنرل ویجیلنس سے تبدیل کرکے چیف الیکٹرکل انجینئر ریلوے ہیڈکوارٹرز لگادیا گیاہے۔اس کے علاوہ گریڈ 19کی آفیسر مسز عنبرین زمان کو چیف الیکٹریکل سے تبدیل کرکے چیف پلاننگ اینڈ پراجیکٹ آفیسر تعینات کردیاگیاہے۔اس سلسلے میں باقاعدہ نوٹیفیکیشن جاری کردیاگیاہے۔