مقبوضہ کشمیر میں کشمیریوں کی جانب سے کسی قسم کی کوئی دہشت گردی نہیں ہو رہی ہے ،صدر آزادکشمیر
اگر کوئی دہشت گردی ہو رہی ہے تو وہ صرف اور صرف بھارت کی جانب سے ریاستی دہشت گردی ہو رہی ہے بھارت مسئلہ کشمیر پر بامقصد مذاکرات سے راہ فرار اختیار کر رہا ہے جو نہ صرف افسوس ناک ہے بلکہ اس کی جمہوریت کے دعویدار ملک ہونے کے نفی بھی ہے،سردار مسعود کی واشنگٹن میں پریس کانفرنس
جمعرات 10 مئی 2018 22:45
(جاری ہے)
صدر مسعود خان نے کہا کہ بھارتی افواج اِن معصوم کشمیریوں کو اپنے ظلم و تشدد کا نشانہ بنا رہی ہیں جوبھارتی افواج کے ایک عرصہ سے ناجائز قبضہ کے خلاف اور اقوام متحدہ کی قراردادوںکے مطابق اپنے حق خودداریت کے حصول کے لئے غیر مسلح اور پُر امن جدوجہد کر رہے ہیں ۔
صدر آزادجموں وکشمیر نے کہا کہ 70سالوں سے کشمیریوں پر ظلم و جبر کے باوجود بھارت نہ صرف کشمیریوں کے جذبہ حُریت کو دبانے میں ناکام رہا ہے بلکہ وہ دنیا کے سامنے اپنے اس جھوٹے پروپیگنڈے کے ذریعے کشمیریوں کو دہشت گرد ثابت کرنے میں بھی بری طرح ناکام رہا ہے ۔انہوں نے کہاکہ مقبوضہ کشمیر میں کشمیریوں کی جانب سے کسی قسم کی کوئی دہشت گردی نہیں ہو رہی ہے اگر کوئی دہشت گردی ہو رہی ہے تو وہ صرف اور صرف بھارت کی جانب سے ریاستی دہشت گردی ہو رہی ہے ۔انہوں نے کہا کہ بھارت مسئلہ کشمیر پر بامقصد مذاکرات سے راہ فرار اختیار کر رہا ہے جو نہ صرف افسوس ناک ہے بلکہ اس کی جمہوریت کے دعویدار ملک ہونے کے نفی بھی ہے ۔صدر مسعود خان نے کہا کہ کشمیریوں کی نظریں امریکہ پر اس اُمید کے ساتھ جمی ہوئی ہیں کہ جس طرح امریکہ نے شمالی کوریا کے مسئلے کو سفارت کاری و مذاکرات کے ذریعے حل کرنے میں دلچسپی لی ہے اسی طرح وہ جموں وکشمیر کے دیرینہ مسئلے کو مذاکرات اور سفارت کاری کے ذریعے حل کروانے میں اپنا کردار ادا کرے ۔ انہوں نے امریکہ اور عالمی برادری پر زور دیتے ہوئے مطالبہ کیا کہ وہ مقبوضہ کشمیر میں بھارت کو پاکستان اورکشمیریوں کے ساتھ بامقصد مذاکرات کے لئے رضا مند کرنے اور خطے میں امن و سلامتی کو فروغ دینے کے لئے اپنا تعمیری و سفارتی کردار ادا کریں ۔ صدر آزادجموں و کشمیر نے کہا کہ امریکہ ایک نمایاں عالمی رہنما ملک ہونے کے علاوہ سلامتی کونسل کا مستقل رکن بھی ہے اور ماضی میں بھی امریکہ نے کشمیر کے مسئلے کو حل کرنے کے لئے اپنا کردار ادا کیا ہے ۔لہذا ہماری امیدیںواشنگٹن سے وابستہ ہیں کہ وہ مسئلہ کشمیر کے سفارتی و سیاسی حل کے لئے اپنا کردار ادا کرے گا ۔انہوں نے کہا کہ اگر شمالی کوریاکا دائمی تنازعہ سیاسی اور سفارتی طور پر کامیابی سے حل کیا جا سکتا ہے تو پھرکشمیر کا مسئلہ حل کیوں نہیں کیا جا سکتا انہوں نے مزید کہا کہ مسئلہ کشمیر کے جمہوری اور مستقل حل کے لئے کشمیریوں کی خواہشات کا احترام کرنا ضروری ہے ۔ صدر مسعود خان نے کشمیری عوام کی جانب سے کشمیریوںکے ساتھ اظہار یکجہتی پرپاکستان کا شکریہ ادا کیا ۔انہوں نے اسلامی ممالک تنظیم (OIC)کے ڈھاکہ بنگلہ دیش میں 5-6مئی 2018کو 45ویں وزراء خارجہ اجلاس میں اقوام متحدہ کی سلامتی کونسل کی قراردادوں کے مطابق کشمیریوں کو حق خوداداریت دیتے ہوئے مسئلہ کشمیر کو حل کرنے کی بھرپور حمایت پر جملہ اراکین اسلامی ممالک تنظیم (OIC)کا بھی شکریہ ادا کیا ۔صدر آزادجموں وکشمیر واشنگٹن ڈی سی میں کیپٹل ہل ، ورجینا ، میری لینڈ اور نیو یارک کے دیگر مقامات پر کمیونٹی کی جانب سے منعقد کئے جانے والے پروگراموں میں شرکت کریں گے ۔جہاں وہ ریاست ہا امریکہ متحدہ کی عوام اور بین الاقوامی برادری کو مقبوضہ کشمیر میں انسانی حقوق کی سنگین خلاف ورزیوں کے حوالے سے آگاہ کرتے ہوئے اُن سے مطالبہ کریں گے کہ وہ اقوام متحدہ کی سلامتی کونسل کی قراردادوں کی روشنی میں کشمیریوں کی خواہشات کے مطابق پُر امن اور جمہوری طریقہ سے مسئلہ کشمیر حل کروانے میں اپنا کلیدی کردار ادا کریں ۔ دریں اثناء صدر آزاد جموں وکشمیر سردار مسعود خان نے واشنگٹن ڈی سی میں آج ایک تقریب میں کشمیری تارکین وطن سے خصوصی خطاب کیا ۔تقریب میں جناب غلام نبی فائی ،کشمیری خواتین و نوجوانان کے علاوہ کمیونٹی سے تعلق رکھنے والے دیگر معززین نے بھی شرکت کی۔صدر آزادجموں وکشمیر نے اس موقع پر امریکہ میں بسنے والے تارکین وطن کو مسئلہ کشمیر سے وابستگی اوراس مسئلے کو عالمی سطح پر اجاگر کرنے کے لئے اُن کی کاوشوں کو سراہا ۔انہوںنے خاص طور پر غلام نبی فائی صاحب کی قائدانہ صلاحیتوں کی تعریف کی اور حال ہی میں وائٹ ہاوس کے سامنے کئے جانے والے مظاہرے پر اُن کی کاوشوں کی تعریف کی۔صدر مسعود خان نے کمیونٹی کے شرکاء کو اس بات کی تائید کرواتے ہوئے کہا کہ وہ اپنی ذمہ داری نبھاتے ہوئے امریکی عوام خصوصاًًنوجوان نسل کو مقبوضہ کشمیر میں ہونے والی ظلم و جبر و انسانی حقوق کی سنگین خلاف ورزیوںکے بارے میں شعور وآگاہی پھیلائیں ۔سردار مسعود خان صدر آزادکشمیر نے کہا کہ بھارت نے گزشتہ 70سال سے مقبوضہ کشمیر میں ظلم و جبر کا بازار گرم کر رکھا ہے ۔ انہوں نے مزید کہاکہ مقبوضہ کشمیر میں بھارتی افواج انسانیت کے خلاف جرائم ،نسل کشی اور جنگی جرائم کا ارتکاب کر رہی ہے۔انہوں نے شرکاء سے کہا کہ بھارت نے ایک گھنائونی پالیسی اپنائی ہے جس میں وہ کشمیریوں کے جذبہ حریت کو دبانے کے لئے غیر معمولی تشدد کا استعمال کر رہی ہے ساتھ ہی انہوں نے مذاکرات کے تمام دروازے پاکستان اور حریت رہنمائوںکے لئے بند کر رکھے ہیں تاکہ کشمیریوں کو اُن کا حق حق خوداریت نہ مل سکے ۔صدر مسعود خان نے اس بات پر زور دیا کہ امریکہ کو بحیثیت مستقل ممبرسلامتی کونسل اپنی ذمہ داری پوری کرنی چاہیے اور انسانی حقوق کے علمبردار ہونے کی وجہ سے امریکہ اس مسئلے کو حل کرنے میں ایک مرکزی کردار ادا کرسکتا ہے ۔مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.