جرمن سفیر مارٹن کوبلر پاکستان کھانوں کے بھی دیوانے نکلے

پاکستان کے قدیم اثاثے اور سیاحتی علاقوں کی سیر گاہوں میں گھومنے کے بعد لاہور کے مزیدار کھانے کھاتے رہے،سوشل میڈیا پر تصاویر جاری

جمعرات 10 مئی 2018 23:09

اسلام آباد(اُردو پوائنٹ اخبارتازہ ترین - آن لائن۔ 10 مئی2018ء) جرمنی کے سفیر مارٹن کوبلر پاکستان کھانوں کے بھی دیوانے نکلے ، پاکستان کے قدیم اثاثے اور سیاحتی علاقوں کی سیر گاہوں میںگھومنے کے بعد لاہور کے مزیدار کھانے کھاتے رہے۔ جرمنی کے سفارت خانے سوشل میڈیا پر جرمن سفیر کو تصاویر میںواضح دیکھا جا سکتا ہے کہ جرمنی کے سفیر مارٹن کو بلر لاہور اور کراچی میں کھانے میں مصروف ہیں۔

(جاری ہے)

سوشل میڈیا رپورٹس میں مارٹن کوبلر نے کراچی کی بریانی اور لاہور کے کھانوں کی تعریف کی انہوںنے لکھا ہے کہ کراچی کی بریانی کے دیوانے ہیں اور ۔۔ کی چٹنی لاجواب ہے۔ لاہور کے چٹ پٹے کھانے انہیں بہت پسند ہیں۔ واضح رہے کہ جرمنی کے سفیر مارٹن کوبلر پاکستان تعیناتی کے بعد ملک کے بیشتر حصوں میں گھوم چکے ہیں۔ انہوں نے اس بات کا بھی اظہار کیا ہے کہ انہیں اسلام آباد کے باہر جانے کے لئے دفتر خارجہ سے اجازت نامہ کے مشکل دور سے گزرناہوتا ہے مگر وہ یہ سفر جاری رکھیں گے۔